| e-texts navigator |
| Wylie |
310a1 ལམ་ནས་གྲོལ་བར་བྱེད།། ཉོན་མོངས་ཁམས་གསུམ་གནས་པ་ཡང་།། ཕྱིན་ཅི་ལོག་ཉིད་སྣང་བ་ཡིན།། དེ་རྟོགས་མཐོ་རིས་ཐར་པའོ།། རྟོགས་ནས་དོན་འཛིན་ཅེས་བྱ་བའི་དམ་ཚིག་ནི།། ཐམས་ཅད
310a2 ལྷུན་གྱིས་གྲུབ་པ་དང་།། སྒྱུ་མ་ཡིག་ཡོར་ཚུལ་ཤེས་པས།། གཉིས་ཀ་རང་རིག་ཉིད་དུ་འདུས།། དེ་ཉིད་ཡང་དག་ཡིན་པར་བཤད།། སྒྲ་དང་ཚིག་ཏུ་བརྗོད་པ་ནི།། ཡང་དག་དོན་གྱི་སྙིང་པོ་འབྱིན།། མིང་ཚིག་སྒྲ་ལ་མི
310a3 བརྟེན་པར།། བློ་ཡི་གཏིང་དུ་གོ་བར་བྱོས།། སེམས་ལ་གནས་བཅས་ཞེས་བྱ་བའི་དམ་ཚིག་ནི།། ཐམས་ཅད་མ་ལུས་ཆོས་སོ་ཅོག། སེམས་ཉིད་ལས་ནི་གཞན་ན་མེད།། སེམས་དང་ཆོས་སུ་དབྱེར་མེད་པས།། བྱང
310a4 ཆུབ་ལམ་དེ་རིང་བ་མིན།། བྱང་ཆུབ་སེམས་ཞེས་བརྗོད་པ་ནི།། གང་ནས་མ་འོངས་གར་མི་འགྲོ།། རྟོག་མེད་རང་རིག་ཁོ་ན་ཙམ།། སངས་རྒྱས་སེམས་ཅན་སེམས་ལ་གནས།། བརྗོད་མེད་སྤྲོས་མེད་ཅེས་བྱ་བའི་དམ
310a5 ཚིག་ནི། འཇིག་རྟེན་འདས་དང་འཇིག་རྟེན་པའི།། སྣ་ཚོགས་ཇི་སྙེད་བརྗོད་པ་ཡང་།། སོ་སོའི་མཚན་ཉིད་མ་གཏོགས་པ།། བ་སྤུའི་ཆ་ཙམ་བརྗོད་པ་མེད།། བསོད་ནམས་ཆེན་པོས་བསྟངས་པ་ཡིས།། སངས་རྒྱས
310a6 ཞིང་ཉིད་དག་པའོ།། ལས་ངན་དག་གིས་ཁམས་གསུམ་གནས།། དེ་གཉིས་དབྱིངས་ལས་སྤྲོས་པ་མེད།། མི་འགྱུར་རྡོ་རྗེའི་གསུང་ཞེས་བྱ་བའི་དམ་ཚིག་ནི། རྣམ་དག་སྐུ་གསུང་སྤྲུལ་པ་དང་།། ཆེ་མཆོག་སྣ་ཚོགས
iiif viewer powered by OpenSeadragon
