| e-texts navigator |
| Wylie |
308b1 ཅད་དེ་བཞིན་ཉིད་ཀྱི་དབྱིངས།། འཇིག་རྟེན་འདས་དང་འཇིག་རྟེན་པའི།། སོ་སོར་སྣང་བ་ཐམས་ཅད་ཀུན།། རང་རིག་རྒྱལ་པོར་ཡང་དག་འདུ།། རང་རིག་དེ་ཉིད་ཐམས་ཅད་ཡིན།། འཇིགས་མེད་རྡོ་རྗེ་ཞེས་བྱ་བའི
308b2 དམ་ཚིག་ནི།། འདུས་མ་བྱས་ཉིད་འདུས་བྱས་ཡིན།། འདུས་བྱས་སྣང་བ་རྡོ་རྗེ་ཉིད།། སྣང་དང་མི་སྣང་གཉིས་ཀ་མིན།། ཡོད་དང་མེད་པའང་དབྱེར་མེད་དེ།། རང་བཞིན་ཡེ་ནས་དག་པ་ཡི།། མ་བཅོས་མ་བྱས་དང
308b3 གིས་གསལ།། འཇིག་དང་གཞིག་པར་བྱ་བ་མིན།། ཅིས་ཀྱང་མི་ཚུགས་རྡོ་རྗེའི་བདག། དེ་བཞིན་སྐུ་ཉིད་ཅེས་བྱ་བའི་དམ་ཚིག་ནི།། དེ་བཞིན་ཞིང་ཁམས་བསམ་ཡས་དང་།། འགྲོ་བ་མ་ལུས་ཐམས་ཅད་ལ།། ཐར
308b4 པ་རྣམས་ལ་དག་པའི་སྐུ།། རྟོག་པ་ཅན་ལ་འཁོར་བའི་ལུས།། སོ་སོར་འཚམས་པར་དོན་སྟོན་ཅིང་།། སྟོན་པ་ཉིད་ན་དངོས་པོ་མེད།། ཆུ་ཟླའི་ཚུལ་དུ་ཀུན་ལ་སྣང་།། ཀུན་ལ་དེ་ལྟར་རྟོགས་པར་བྱོས།། ལྷུན་གྲུབ་བདེ
308b5 གནས་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ལ།། བྱང་ཆུབ་སྙིང་པོ་ཡོད་པ་ལྟར།། རང་བཞིན་ཡེ་ནས་འོད་གསལ་བའི།། བྱང་ཆུབ་སྙིང་པོར་ཐམས་ཅད་འདུས།། ཕྱི་ནང་མ་ལུས་ཐམས་ཅད
308b6 ཀུན།། བདག་གི་ངང་དུ་གནས་པས་ན།། བདག་ལ་བདག་གིས་དབང་བསྒྱུར་ནས།། སྤྱོད་ཡུལ་ཐམས་ཅད་སྨོན་ནས་ཤེས།། ཆེ་མཆོག་རྣམ་དག་ཅེས་བྱ་བའི་དམ་ཚིག་ནི། རིག་པའི་རྒྱལ་པོ་རང་གྱུར་པས།། ཐམས
iiif viewer powered by OpenSeadragon
