| e-texts navigator |
| Wylie |
308a1 དབྱིངས་སུ་ཐམས་ཅད་ཐིམ།། སྟོང་གསུམ་ཀུན་གྲགས་ཞེས་བྱ་བའི་དམ་ཚིག་ནི།། ཐུགས་རྗེ་ཆེན་པོའི་བྱིན་རླབས་ཀྱིས།། ཕྱོགས་བཅུའི་འཇིག་རྟེན་རྡུལ་སྙེད་དུ།། འགྲོ་བའི་ཕྲིན་ལས་བསམ་མི
308a2 ཁྱབ།། སྐུ་གསུང་ཐུགས་དང་ཡོན་ཏན་དང་།། ལྷུན་གྱིས་གྲུབ་པའི་ཡེ་ཤེས་ཀྱིས།། ཐམས་ཅད་གདུལ་བྱ་ཆུད་མ་ཟོས།། ངན་སོང་སྦྱོང་ཞིང་བྱང་ཆུབ་ཞིང་།། ཡེ་ཤེས་ཚོགས་རྫོགས་ཀུན་ཏུ་སྟོན།། ཡེ་ཤེས་གསུང
308a3 མཆོག་ཅེས་བྱ་བའི་དམ་ཚིག་ནི། འདས་དང་མ་འདས་ཐམས་ཅད་ཀུན།། ཡང་དག་ཤེས་པས་རབ་བརྟགས་ན།། རང་བཞིན་མེད་ལ་ཅིང་ཡང་སྣང་།། སྣང་བ་ཉིད་ན་དབྱིངས་ཉིད་དེ།། དེ་ལྟར་རྟོགས་པའི་ཡེ་ཤེས
308a4 ནི།། ཀུན་ལ་དབང་བསྐུར་རང་དབང་ཅན།། ཐམས་ཅད་ཚིག་གི་སྒྲ་ལྟར་སྣང་།། འདི་ནི་ཡེ་ཤེས་གསུང་མཆོག་ཡིན།། བསམ་ཡས་ཡེ་ཤེས་རྡོ་རྗེའི་གསུང་ཞེས་བྱ་བའི་དམ་ཚིག་ནི། ཆོས་རྣམས་བསམ་གྱིས་མི་ཁྱབ
308a5 སྟེ།། མཐའ་དང་དབུས་མེད་ཀུན་ཏུ་ཁྱབ།། ཁྱབ་དང་ཁྱབ་མེད་རྡོ་རྗེའི་གསུང་།། སྒྲ་སྐད་སྣ་ཚོགས་བསྒྲགས་པ་དང་།། དངོས་པོ་མེད་ལ་དངོས་པོའི་སྒྲ།། ཇི་ལྟར་པི་ཝང་ལག་ཐོགས་ནས།། སྒྲ་ནི་སྣ་ཚོགས་འབྱུང
308a6 འགྱུར་ཡང་།། དངོས་པོ་མེད་པ་དེ་བཞིན་ཉིད།། ཕྱོགས་དུས་དབྱེར་མེད་ཅེས་བྱ་བའི་དམ་ཚིག་ནི། ཕྱོགས་བཅུ་མ་ལུས་ཐམས་ཅད་དང་།། དུས་བཞིར་འབྱུང་བ་མ་ལུས་ཀུན།། ཕྱོགས་དང་སྔ་ཕྱི་མེད་པ་ཡི།། ཐམས
iiif viewer powered by OpenSeadragon
