| e-texts navigator |
| Wylie |
306b1 མཚན་བཟང་དཔག་ཏུ་མེད།། ཐམས་ཅད་དབང་སྒྱུར་ཞེས་བྱ་བའི་དམ་ཚིག་ནི། ཤིན་ཏུ་རྟོགས་པའི་ཁྱད་པར་གྱིས།། སྤྱོད་ཡུལ་ཐམས་ཅད་སྨོན་ནས་མཁྱེན།། དེ་བཞིན་ཉིད་དང་ཀུན་རྟོག་ལ།། གཉིས་སུ་མེད་པས
306b2 དབང་བསྒྱུར་ཏེ།། མ་ལུས་ཐམས་ཅད་བདེ་ལྡན་ཞིང་།། ཐམས་ཅད་བྱང་ཆུབ་མཆོག་ཏུ་གྱུར།། ཡེ་ནས་དངོས་པོ་མེད་པ་ལ།། ཇི་ལྟར་དམིགས་པ་བཞིན་དུ་འགྲུབ།། རིག་འཛིན་གནས་སྟོབས་ཞེས་བྱ་བའི་དམ་ཚིག
306b3 ནི།། ཤེས་རབ་རྣམ་གསུམ་གོམས་བྱས་ནས།། ཏིང་འཛིན་མཉམ་པའི་དོན་རྟོགས་ཏེ།། རྟག་ཏུ་ཡངས་པ་ཆེན་པོ་བསྒོམ།། རྒྱུ་འབྲས་དུས་གཅིག་རྫོགས་པ་ཡི།། རང་རིག་ཉིད་ལ་དབང་ཐོབ་སྟེ།། ཚེ་ནི་བཅུ་དང་དྲུག
306b4 པ་ཡི།། བརྒྱ་བརྒྱ་དག་ཏུ་བསྐུར་ཞིང་གནས།། ལུས་མ་བོར་བར་སངས་རྒྱས་པའོ།། ཟག་མེད་གཏེར་ལྡན་ཞེས་བྱ་བའི་དམ་ཚིག་ནི། ཤེས་རབ་ཆེན་པོ་རྣམ་དག་པས།། སྤྱོད་ཡུལ་ཐམས་ཅད་དག་པར་འགྱུར།། ཤེས
306b5 དང་སྤྱོད་ཡུལ་གཉིས་སུ་མེད།། དེ་བཞིན་ཉིད་དུ་རོ་གཅིག་སྟེ།། ཐམས་ཅད་རྒྱལ་བའི་ཞིང་སྦྱོར་བས།། ཟད་མེད་རིན་ཆེན་གཏེར་དུ་འགྱུར།། མི་ཟད་པར་ལྡན་དམ་ཚིག་མཆོག། འོག་མིན་མཐའ་དབུས་བསམ་མི
306b6 ཁྱབ།། བསྒྲུབ་མེད་མཉམ་རྫོགས་ཞེས་བྱ་བའི་དམ་ཚིག་ནི།། ཐམས་ཅད་མཉམ་པའི་དཀྱིལ་འཁོར་ལ།། རང་བྱུང་ཡེ་ཤེས་འཕྱོ་བ་ཡིས།། དབྱིངས་དང་རིག་པ་གཉིས་མེད་པའི།། དེ་བཞིན་ཉིད་དེ་རྡོ་རྗེའི
iiif viewer powered by OpenSeadragon
