| e-texts navigator |
| Wylie |
306a1 བརྗོད་ཀྱང་།། སེམས་ཅན་བློ་ཡི་རིམ་པ་བཞིན།། སོ་སོར་འཚམས་པ་ཀུན་ལ་གསལ།། འདི་ནི་རྡོ་རྗེའི་ཐེག་མཆོག་སྟེ།། རྒྱ་མཚོའི་ཀླུང་དུ་ཆུ་འབབས་བཞིན།། ཐམས་ཅད་ཆུ་ཡི་ངོ་བོ་ཉིད།། ཐེག
306a2 པ་ཐམས་ཅད་རྡོ་རྗེའི་ས།། རབ་ཏུ་རྟོགས་བྱེད་ཅེས་བྱ་བའི་དམ་ཚིག་ནི། ཤེས་རབ་བློ་ཆེན་རབ་ལྡན་པས།། དོན་དུ་མི་འགྱུར་ཡོངས་མ་གསུངས།། སྲིད་གསུམ་འགྲོ་བ་བསམ་ཡས་སུ།། ཐུགས་རྗེས་སྟོན་པ་བསམ
306a3 མི་ཁྱབ།། དོན་དང་མཐུན་པ་འབའ་ཤིག་སྟོན།། མི་མཐུན་ཞགས་པས་འཁོར་བ་གཅོད།། བདེ་གཤེགས་ཞིང་རྣམས་དག་པར་བྱེད།། ཐམས་ཅད་དབྱིངས་སུ་དག་པར་འདུས།། སྒྱུར་བྱེད་བྱང་ཆུབ་ཅེས་བྱ་བའི་དམ
306a4 ཚིག་ནི། རང་རིག་ཡེ་ཤེས་དབང་ཐོབ་ནས།། དཀར་པོ་ཚོན་གྱིས་མདོག་བསྒྱུར་བཞིན།། དུག་ཀྱང་སྨན་དུ་འགྱུར་བ་དང་།། དེ་བཞིན་དུག་གསུམ་བྱང་ཆུབ་སྟེ།། འགྲོ་ལྔ་བྱང་ཆུབ་ལམ་དུ་སྦྱོར།། ཉོན་མོངས་སྡུག
306a5 བསྔལ་ཐར་བྱེད་ལམ།། ཐར་དང་མ་ཐར་གཉིས་ཀ་མིན།། ཐམས་ཅད་མ་ལུས་བྱང་ཆུབ་རྒྱུ།། མཉམ་རྫོགས་ལྷུན་གྲུབ་ཅེས་བྱ་བའི་དམ་ཚིག་ནི།། ཡེ་ཤེས་སྒྱུ་མར་སྣང་བ་དང་།། ལོག་རྟོག་སྒྱུ་མར་སྣང་བ
306a6 གཉིས།། སྒྱུ་མ་ཡིན་པས་རང་བཞིན་མཉམ།། མཉམ་པ་ཉིད་ལ་མི་གནས་པའི།། བསོད་ནམས་ཡེ་ཤེས་ཚོགས་རྫོགས་ཏེ།། ཡེ་ཤེས་གཉིས་ཀྱི་དཀྱིལ་འཁོར་ལ།། ཐེག་མཆོག་རྡོ་རྗེ་མ་ལུས་རྫོགས།། དཔེ་བྱད
iiif viewer powered by OpenSeadragon
