| e-texts navigator |
| Wylie |
305b1 ཤེས་རྒྱུ་ལས་གྲུབ་པའོ།། ཇི་ལྟར་དམིགས་པ་བཞིན་དུ་འགྲུབ།། ཟག་པ་ཟད་ལས་གྲུབ་པ་ཡི།། ནམ་ཡང་འཇིག་མེད་ཆོས་ཀྱི་དབྱིངས།། སྣ་ཚོགས་ཀུན་ཏུ་བསྒྱུར་ཞེས་བྱ་བའི་དམ་ཚིག་ནི།། གདོས་པོ་ཅན་གྱི་ཆོས
305b2 མིན་པས།། ཇི་ལྟར་བསམ་པ་བཞིན་དུ་འགྲུབ།། རིག་པ་རང་དབང་གྱུར་པས་ན།། སྟོང་པར་བྱ་བའམ་མི་སྟོང་བྱ།། ཐམས་ཅད་དབྱེར་མེད་དང་ཡིན་པས།། ཁ་དོག་དབྱིབས་དང་རིན་པོ་ཆེ།། ཐམས་ཅད་ཁྱབ་པར
305b3 ཡུངས་འབྲུའི་ཚུལ།། བསམ་ཡས་མཐའ་དབུས་མེད་པའོ།། འདྲེན་བྱེད་གནས་སྟོངས་ཞེས་བྱ་བའི་དམ་ཚིག་ནི།། མ་རིག་ལོག་རྟོག་བསམ་ཡས་ཀྱིས།། འཇིག་རྟེན་ཁམས་རྣམས་བརྒྱུད་ཅིང་འཁོར།། འཁོར་བའི་རྒྱུ
305b4 དང་འབྲས་བུ་གཉིས།། གཞི་རྩ་མེད་པའི་སྐད་ཅིག་མ།། ཡང་དག་བྱང་ཆུབ་སེམས་རིག་ན།། མ་རིག་རྒྱུ་འབྲས་རྣམ་པར་དག། ཉོན་མོངས་པ་ཉིད་བྱང་ཆུབ་སྟེ།། ཐམས་ཅད་མ་ལུས་བདེ་གནས་སོ།། ལམ་ལྔ་སྟོན
305b5 བྱེད་ཅེས་བྱ་བའི་དམ་ཚིག་ནི།། ཏིང་འཛིན་རྣམ་གསུམ་བསྒོམ་བྱས་ཏེ།། ཉོན་མོངས་ལམ་ལྔའི་སྒོ་བཀག་ནས།། ལམ་ལྔར་སྣང་བ་རྣམ་རྟོག་ཡིན།། རྟོགས་དང་མི་རྟོག་གཉིས་ཀ་མེད།། གཉིས་མེད་དེ་ནི་ཡང་དག
305b6 ལམ།། ཐབས་དང་ཤེ་རབ་ངང་ཉིད་དུ།། ཤིན་ཏུ་མཉམ་གཞག་རྟོགས་བྱ་ཞིང་།། བླ་ན་མེད་པ་སྟོན་པར་བྱ།། ཡང་དག་དོན་སྟོན་ཞེས་བྱ་བའི་དམ་ཚིག་ནི། ཐེག་པ་བསམ་ཡས་སྟོན་པ་ཡང་།། དེ་བཞིན་ཉིད་ཀྱིས་མ
iiif viewer powered by OpenSeadragon
