| e-texts navigator |
| Wylie |
305a1 བཀོད་པ་ཞེས་བྱ་བའི་དམ་ཚིག་ནི།། ཕྱོགས་བཅུ་མཐའ་ཡས་མུ་མེད་པའི།། སྣང་གྲགས་བསམ་གྱིས་མི་ཁྱབ་པའི།། ཕྱི་ནང་གཉིས་ཀྱི་གནས་པ་དག། དེ་བཞིན་ཉིད་ཀྱི་དབྱིངས་སུ་ཐིམ།། མདོར་ན
305a2 ཞིང་ཁམས་མ་ལུས་པར།། ཡོན་ཏན་རིན་ཆེན་བཀོད་པ་ཡི།། ཡེ་ཤེས་རྒྱན་གྱིས་སྤྲས་པ་རྣམས།། ཞིང་དེ་ཡོན་ཏན་བསམ་མི་ཁྱབ།། ཡེ་ཤེས་བཞུགས་གནས་ཞེས་བྱ་བའི་དམ་ཚིག་ནི།། གཟུང་འཛིན་བྲལ་བའི་ཡེ
305a3 ཤེས་ནི།། དེ་བཞིན་གཤེགས་པ་ཀུན་གྱི་གནས།། གསང་སྔགས་ཆེན་པོ་བསྒྲུབ་འདོད་པས།། གཟུང་འཛིན་བྲལ་བའི་ཡེ་ཤེས་ཐོབ།། ཆོས་ཀྱི་དབྱིངས་དང་སེམས་ཅན་ནི།། གཉིས་མེད་དེ་བཞིན་ཉིད་དུ་གཅིག། དེ
305a4 ལྟར་རྟོགས་པའི་སྐྱེས་བུ་ནི།། རྡོ་རྗེའི་བཞུགས་གནས་ཡིན་པར་བཤད།། མི་འཇིགས་པའི་རྒྱལ་མཆོག་ཅེས་བྱ་བའི་དམ་ཚིག་ནི། རྣམ་པར་བྱང་དང་ཉན་མོངས་གཉིས།། སོ་སོར་ཡོད་པ་མ་ཡིན་ཏེ།། ཉོན་མོངས
305a5 གཉེན་པོས་བཅོས་སུ་མེད།། ཐམས་ཅད་དབྱིངས་སུ་རོ་གཅིག་པས།། དེ་ལ་འཇིགས་པའི་གཉེན་པོ་མེད།། ཅིས་ཀྱང་མི་ཚུགས་གོང་ན་མེད།། མཆོག་ཏུ་བདེ་བའི་ཞིང་ཡང་ཡིན།། ང་མེད་བདག་མེད་རྒྱལ་བའི
305a6 མཆོག། གཞལ་ཡས་ཁང་རྟེན་ཞེས་བྱ་བའི་དམ་ཚིག་ནི། ཕྱོགས་བཅུ་དུས་བཞི་ཐམས་ཅད་ཀུན།། རྒྱལ་བའི་ཞིང་དུ་སྦྱོར་བས་ནི།། དོག་ཡངས་ཚད་ཀྱང་དཔག་ཏུ་མེད།། སངས་རྒྱས་སྤྱི་གཙུག་ལྟ་བུའི་མཚན།། ཡེ
iiif viewer powered by OpenSeadragon
