| e-texts navigator |
| Wylie |
303b1 ཉིད་ལས་ཆེད་དུ་བརྗོད་པ་འདི་བརྗོད་དོ།། སྤྲོས་པའི་རྡོ་རྗེ་ཞེས་བྱའི་དམ་ཚིག་ནི། ཞེ་སྡང་རྡོ་རྗེ་ཐུགས་རྗེའི་ངང་།། དམྱལ་བའི་གནས་རྣམས་ཚར་གཅོད་པའི།། བརྒྱད་བརྒྱད་དྲུག་ཅུ་ཞིང་དུ་སྦྱོར།། ཚ་བ་རྣམས་ལ
303b2 བསིལ་བའི་སྨན།། གྲང་བ་རྣམས་ལ་དྲོ་བའི་སྨན།། བསིལ་དྲོད་འཇམ་རྩུབ་ཆ་སྙོམས་པ།། ཐུགས་རྗེའི་བྱིན་རླབས་དེ་ལྟར་སྟོན།། བྱིན་རླབས་ཡ་མཚན་རྨད་པོ་ཆེ།། ཆགས་པའི་ཡེ་ཤེས་ཞེས་བྱ་བའི་དམ་ཚིག
303b3 ནི།། ཆགས་པ་མེད་པའི་ཚུལ་གྱིས་ནི།། འདོད་པ་ཀུན་ལ་ལོངས་སྤྱོད་བྱ།། ཇི་ལྟར་བདེ་བའི་རོ་མྱོང་བཞིན།། མྱོང་ཚོར་ཉིད་ན་རང་བཞིན་མེད།། ཆགས་པ་མེད་པའི་ཡེ་ཤེས་ཀྱིས།། ཡི་དྭགས་གནས་རྣམས་ཚར
303b4 གཅོད་ཅིང་།། ལུས་དང་ཟས་ཀྱིས་བསྒྲིབས་པ་ཡི།། ཉོན་མོངས་གཉིས་ཀ་མེད་པར་སྟོན།། གཏི་མུག་ཅེས་བྱ་བའི་དམ་ཚིག་ནི།། ང་དང་བདག་མེད་དབྱེར་མེད་པའི།། ཤེས་རབ་ཆེན་པོའི་འོད་གསལ་གྱིས།། དྲན་སྨྲ
303b5 མེད་པའི་སྡུག་བསྔལ་བསལ།། རྨོངས་མེད་སྒྲིབ་པ་དག་པར་བྱས།། ཡེ་ཤེས་གསལ་བའི་ཐུགས་རྗེ་ཡིས།། བྱ་བྱེད་མེད་པར་ཉོན་མོངས་སྒྲོལ།། བྱོལ་སོང་གནས་ནི་སྟོངས་བྱེད་ཅིང་།། ཐུགས་རྗེའི་སྒྲོན་མ་དེ་ལྟར
303b6 ན། ཕྲག་དོག་ཆེན་པོའི་དམ་ཚིག་ནི།། ཡངས་པ་ཆེན་པོའི་ཡེ་ཤེས་ཀྱིས།། ང་དང་བདག་འཛིན་རྣམས་ལ་ནི།། ཐུགས་རྗེས་གཉིས་མེད་མཉམ་སྦྱོར་ཞིང་།། དོག་དང་ཡངས་པ་གཉི་ག་མེད།། རྒྱ་ཆེན་ཡངས་པའི་བློ
iiif viewer powered by OpenSeadragon
