| e-texts navigator |
| Wylie |
302b1 མཚན་ཡང་ལན་གསུམ་དུ།། མཁས་པ་དག་གིས་རྒྱུན་དུ་བྱ།། བར་མ་ཆད་པར་བསྒྲིམས་ཏེ་བཟླས།། གསང་བའི་མན་ངག་གཞན་དུ་སྤེལ་མི་བྱ།། རྡོ་རྗེའི་ལྕེ་ཡི་ཚུལ་ཡོད་ཀྱང་།། ཐེག་པ་དམན་དང་མ་འདྲེས་པ།། སྐྱེ
302b2 བོ་ཕལ་པར་སྒྲ་མི་བྱ།། རྡོ་རྗེ་མཆེད་དང་ལྕམ་དྲལ་ལ།། མངན་དང་འཕྱ་སེམས་སྨད་པ་དག། རྫི་ཕྱོགས་ཙམ་དུའང་སྨད་མི་བྱ།། ཤིན་ཏུ་གདུང་ཞིང་བརྩེ་བར་བྱ།། བདུད་རྩི་སྨན་རྣམས་རྟག་ཏུ་སྤྱད།། བླ་མེད་གྲུབ
302b3 པའི་གསོས་ཡིན་པས།། གཙང་སྨེ་མེད་པར་བཟའ་བར་བྱ།། ཡིད་བཞིན་བདུད་རྩི་དབང་བྱེད་འགྱུར།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ཆེན་པོ་ནི།། སངས་རྒྱས་ལྔ་པོ་དེ་ཡིན་པས།། མི་སྤང
302b4 རྟག་ཏུ་བསྒྲུབ་པར་བྱ།། དམ་ཚིག་དམ་ཚིག་ཅེས་བྱ་བ།། གུད་ན་ཡོད་པ་མ་ཡིན་ཏེ།། རང་གི་བལྟ་བ་དམ་ཚིག་ཡིན།། མི་གཏོང་ཕྱིར་ཡང་དམ་ཞེས་བྱ།། གཟུངས་སུ་གྱུར་པས་དམ་ཞེས་བྱ།། རྡོ་རྗེ་མ་ནོར་ལམ་སྟོན
302b5 པས།། དེ་ལ་ཡང་ནི་ཚིག་ཅེས་བྱ།། ཡང་ན་དེ་བཞིན་བཀའ་བཅག་པས། མི་ཁོམ་གནས་སུ་འཚིག་པར་འགྱུར།། དམ་ཚིག་ཅེས་ནི་དེ་ལ་བརྗོད།། རྡོ་རྗེ་རིགས་ཀྱི་བསྒྲུབ་བྱ་བ།། སྦྱོར་དང་སྒྲོལ་བས་མཐར་ཕྱིན
302b6 འགྱུར།། སྦྱོར་བ་ཉིད་ནི་སྒྲོལ་བ་ཡིན།། སྒྲོལ་བ་ཉིད་ན་སྦྱོར་བ་ཡིན།། རང་བཞིན་གྱིས་ནི་སྦྱོར་སྒྲོལ་དང་།། ཏིང་ངེ་འཛིན་གྱིས་སྦྱོར་སྒྲོལ་དང་།། དབང་པོའི་ཡུལ་དུས་སྦྱོར་སྒྲོལ་དང་།། ཐབས་ཆེན་དག་གི་སྦྱོར
iiif viewer powered by OpenSeadragon
