| e-texts navigator |
| Wylie |
301b1 བསྔལ་འདོད་ཆགས་ནི།། ལུས་དང་ཟས་ཀྱིས་བསྒྲིབས་གྱུར་ཏེ།། ཡི་དྭགས་སྡུག་བསྔལ་གནས་སུ་འགྲོ།། སྐོམ་དང་བཀྲེས་པས་ཉོན་མོངས་འགྱུར།། རྣག་ཁྲག་ངན་སྐྱུགས་རྟག་ཏུ་མཐོང་།། དེ་ལ་སྤྱོད་པའི་དབང
301b2 ཡང་མེད།། རྩུབ་ཅིང་གདུག་པས་བསྲུང་བར་འགྱུར།། ཐུགས་རྗེ་ཆེན་པོའི་ཞེ་སྡང་ནི།། འཁོར་བའི་ལམ་ལྔའི་སྒོ་བཅད་ཅིང་།། བདེ་གཤེགས་ལམ་དུ་འཛུད་པར་བྱེད།། ཡང་དག་དོན་དང་ལྡན་པར་འགྱུར།། ཐུགས
301b3 རྗེའི་ཚུལ་གྱིས་ཁྲོ་སྟོན་ཅིང་།། ཤིན་ཏུ་མཉམ་པའི་ངང་དུ་འཇུག། རྡོ་རྗེ་སེམས་དཔའ་ཞི་བ་ཡིས།། ཡང་དག་མཆོག་གི་བདེ་བ་འགྲུབ།། ཡེ་ཤེས་གསལ་བའི་བདེ་བ་ནི།། བདག་དང་བདག་གིར་དབྱེར་མེད་དེ།། རང
301b4 བཞིན་མེད་པའི་དབྱིངས་སུ་རོལ།། ཐམས་ཅད་བརྗོད་དུ་མེད་པའི་ངང་།། ཀུན་ཏུ་ཁྱབ་པའི་སྐུ་མངའ་བ།། ཤིན་ཏུ་འོད་གསལ་རྣམ་དག་ལམ།། བྱང་ཆུབ་སེམས་དཔའི་སྒྲིབ་པ་སྦྱང་།། སེམས་ཅན་ཉོན་མོངས་དུག
301b5 སེལ་འགྱུར།། ཐམས་ཅད་ཞིང་སྦྱོར་ང་རྒྱལ་ནི།། ཡོན་ཏན་སྤྱོད་པའི་མཛོད་ཡིན་ཏེ།། ང་མེད་བདག་མེད་མི་དམིགས་ལ།། སུ་ཞིག་དེ་ལ་ང་རྒྱལ་བསྐྱེད།། དཔུང་བཞིའི་ཚོགས་ཀྱིས་མི་ཐུབ་པའི།། ཤིན་ཏུ་རྒྱལ་བའི
301b6 ཁྱུ་མཆོག་འགྲུབ།། ལྷ་སྲིན་བདུད་སྡེ་ཚར་གཅོད་པའི།། དཔའ་བར་འགྲོ་བའི་ཏིང་འཛིན་ཐོབ།། ཕྲག་དོག་ཡངས་པའི་དོན་སྦྱོར་བ།། ང་དང་བདག་མེད་དོན་རྟོགས་ན།། དོག་དང་ཡངས་པ་གཉིས་མེད་དེ།། བདེ
iiif viewer powered by OpenSeadragon
