| e-texts navigator |
| Wylie |
301a1 སྔགས་པ་ལ།། འཆིའམ་ཡང་ན་འབྲས་བུ་མེད་པར་འགྱུར།། རྣལ་འབྱོར་དམ་པ་རྣམས་ཀྱིས་ནི།། སྔགས་ཀྱི་ཡན་ལག་མ་ཉམས་གསལ།། དོན་ལྡན་མ་ཉམས་དག་བྱས་ཤིང་།། བརྩོན་འགྲུས་ཆེར
301a2 བསྐྱེད་མྱུར་བར་འགྲུབ།། སྔགས་བསྒོམ་མ་ཉམས་ཕྱག་རྒྱར་གསལ།། ཆོ་ག་ཡོ་བྱད་གཙོར་མ་གསུངས།། ཚོགས་ན་ཡང་ནི་ངེས་པ་མེད།། མ་ཚོགས་ན་ཡང་འགྲུབ་པར་འགྱུར།། བདག་ཉིད་རང་གི་ལྷ་སྦྱོར
301a3 བས།། དངོས་གྲུབ་ཐམས་ཅད་འགྲུབ་པར་འགྱུར།། ཆོ་ག་ལྷག་གམ་མ་ཚང་ནའང་།། འགྲུབ་པར་འགྱུར་ཏེ་ཉེས་སྐྱོན་མེད།། ཅེས་གསུངས་པའི་ཚིག་ཏུའོ།། དམ་ཚིག་སུམ་བརྒྱ་པ་རྩ་བ་བཅོ་ལྔ་མདོར་བཤད་པའི
301a4 ལེའུ་སྟེ་ཉེར་བདུན་པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་རྨད་དུ་བྱུང་བའི་དམ་ཚིག་བཅོ་ལྔ་པའི་མདོ་འདི་ལྟར་ཡང་བཤད་དེ། ཐམས་ཅད་མཁྱེན་པའི་ཡེ་ཤེས
301a5 ཀྱིས།། ཐམས་ཅད་མཉམ་པའི་ངང་ཉིད་དུ།། དབྱིངས་སུ་རོ་གཅིག་དོན་བསྡུས་ཏེ།། དོན་དུ་མི་འགྱུར་ཡོངས་མ་གསུངས།། ཡོན་ཏན་མཆོག་གི་འདོད་པ་ནི།། སྣང་སྲིད་མ་ལུས་ཐམས་ཅད་ཀུན།། མཉམ་པའི་ཞིང་དུ
301a6 སྦྱོང་བས་ན།། ཆགས་པ་མེད་པའི་ཚུལ་དུ་སྤྱོད།། འདི་ནི་རྣམ་དག་ལེགས་པའི་ལམ།། བྱང་ཆུབ་མཆོག་ཏུ་འགྲོ་བའི་གནས།། བདེ་ཆེན་མི་ཟད་རིན་ཆེན་གཏེར།། ཅིས་ཀྱང་མི་ཚུགས་རྡོ་རྗེའི་སྐུ།། ཉོན་མོངས་སྡུག
iiif viewer powered by OpenSeadragon
