| e-texts navigator |
| Wylie |
300b1 བྱས་ནས།། བདག་ཉིད་ཆོས་ཉིད་སྐྱེ་འགག་མེད།། ངང་ལས་མ་གཡོས་པར་གནས་ན།། ཕྱག་རྒྱ་ཆེན་པོ་ཐམས་ཅད་ཀྱང་།། རྫོགས་པར་ཕྱོགས་བཅུ་དུས་གསུམ་གྱི།། དེ་བཞིན་གཤེགས་པའི་སྐུ
300b2 གསུང་ཐུགས།། ཐམས་ཅད་དབྱེར་མེད་ཡེ་མཉམ་ལ།། མ་འདྲེས་རྒྱ་ཡོངས་མ་ཆད་པའི།། གཞལ་ཡས་ཁང་དང་ཉི་ཟླ་ཡི།། དཀྱིལ་འཁོར་བསམ་ཡས་ལྷུན་གྲུབ་ནི།། སྐུ་གསུང་ཐུགས་ཀྱི་ཡོན་ཏན་བསམ་མི
300b3 ཁྱབ།། མཉམ་པའི་དབྱིངས་ཆེན་རྫོགས་པར་བསྒོམ།། དེ་ལྟར་དམ་ཚིག་འདི་གསུམ་སྟེ།། དེ་ལ་གནས་ན་འགྲུབ་པར་འགྱུར།། ཡན་ལག་མ་ཉམས་སྔགས་བཟླས་ཤིང་།། འདོད་པ་ཀུན་ལ་ལོངས་སྤྱོད་བྱ།། ལུས་དང
300b4 ངག་སེམས་བརྟན་གྱུར་ན།། བྱང་ཆུབ་རབ་འབྱམས་འཐོབ་པར་འགྱུར།། དམ་ཚིག་ཆེན་པོ་ལས་འདས་ན།། ཉེན་ནི་ཤིན་ཏུ་ཆེ་བར་གསུངས།། སངས་རྒྱས་བྱང་ཆུབ་སེམས་དཔའ་དང་།། སྔགས་ཀྱི་སྤྱོད་པས་དོན
300b5 བསྒྲུབ་པ།། རྨོངས་པས་གལ་ཏེ་འདའ་བྱས་ན།། དེ་ཡིས་སྲོག་ཀྱང་དེར་ཟད་འགྱུར།། དམ་ཚིག་བསྲུང་དང་སྔགས་བཟླས་དང་།། ཕྱག་རྒྱ་རྒྱུན་མི་གཅད་པ་བཞིན།། བརྩོན་འགྲུས་ཆེ་དང་བརྟན་པས་བཟུང་།། རྣལ
300b6 འབྱོར་བརྩོན་འགྲུས་ཆུང་གྱུར་ན།། མི་འགྲུབ་ཉེན་ཡང་ཆེ་བར་གསུངས།། ཇི་ལྟར་རལ་གྲིའི་སོ་ལ་ནན་ཏན་དུ།། སྐྱེས་བུས་མྱུར་དུ་མ་བཟུང་ན།། ལག་པ་ངེས་པར་ཆོད་པར་འགྱུར།། དེ་བཞིན་ནན་ཏན་མེད་པའི
iiif viewer powered by OpenSeadragon
