| e-texts navigator |
| Wylie |
300a1 གསུང་ཐུགས་ཀྱི་ཡི་གེ་ཨོཾ།། དེ་ལ་སོགས་པ་བཞི་བཅུ་གཉིས།། ཕྱག་རྒྱ་ཆེན་པོའི་མཚན་ཉིད་ནི།། ཕྱོགས་བཅུ་དུས་བཞིར་གཤེགས་པ་ཡི།། སྐུ་གསུང་ཐུགས་དང་ཡེ་ཤེས་ལྔ།། བདག་དང་དབྱེར་མེད
300a2 ཕྱག་རྒྱ་ཆེ།། གསལ་ལ་བརྩོན་པའི་ཡོན་ཏན་ལྡན།། ཡིད་བཞིན་མ་ཆགས་དབང་བསྒྱུར་ཏེ།། གོམས་ཤིང་བརྟན་པར་བྱ་བ་ཡིན།། དེ་བས་བར་ཆད་བརྩོན་མེད་ན།། དཔེར་ན་ས་བོན་ཚིག་པ་ལས།། འབྲས་བུ་འདོད
300a3 པ་དང་འདྲ་སྟེ།། བསྒྲུབ་པའི་འབྲས་བུ་མེད་པར་འགྱུར།། མི་ཁོམ་འཁོར་བར་གནས་འགྱུར་ཏེ།། རྣལ་འབྱོར་ཆེན་པོ་ལ་ཞུགས་པས།། ཕྱི་ནང་ཆོས་རྣམས་ཐམས་ཅད་ལ།། དམིགས་མེད་གཅིག་དང་དུ་མར
300a4 བྲལ།། མཐའ་དབུས་གང་ཡང་མ་ཡིན་པའི།། ངོ་བོ་ཉིད་མེད་མཚན་ཉིད་མེད།། མཉམ་པ་ཆེན་པོའི་ཕྱག་རྒྱ་ཡིན།། ཕྱོགས་བཅུ་དུས་བཞི་ཐམས་ཅད་དང་།། འཇིག་རྟེན་འདས་དང་འཇིག་རྟེན་པའི།། ཡོན་ཏན་སྐྱོན
300a5 རྣམས་སྐྱེ་འགག་མེད།། གང་གི་ངོ་བོར་མ་གྲུབ་མཉམ།། ཀུན་རྫོབ་ཆོས་ཉིད་དབྱེར་མེད་པའི།། མི་དམིགས་གང་གི་ངོ་བོ་མིན།། ཆུ་ཟླའི་ཚུལ་དུ་སྣ་ཚོགས་པར།། སྣང་ཞིང་བྱ་བ་བྱེད་ནུས་པའི།། ཕྱག་རྒྱ་ཆེན་པོས
300a6 ཕྱོགས་བཅུ་དང་།། དུས་བཞི་ཁམས་གསུམ་ཐམས་ཅད་དང་།། འཇིག་རྟེན་པ་དང་འཇིག་རྟེན་འདས།། ཡོན་ཏན་སྐྱོན་རྣམས་ཐམས་ཅད་ཀྱང་།། སྒྱུ་མར་མཉམ་པར་ཡེ་ནས་གནས།། སྔགས་འཆང་རྒྱལ་པོས་རྟོགས
iiif viewer powered by OpenSeadragon
