| e-texts navigator |
| Wylie |
299b1 བསྒྲག་ཅིང་།། སྐུ་གསུང་ཐུགས་ཀྱི་དམ་ཚིག་རྣམས།། རྣལ་འབྱོར་མཉམ་པ་རྣམ་གཉིས་ཀྱིས།། ཐབས་དང་ཤེས་རབ་འབྲེལ་རྟོགས་ནས།། མཉམ་པའི་སྤྱོད་པས་ལ་དོར་ཏེ།། ཕལ་དང་མི་འདྲ་ཡང་དག་རྟོགས།། མ
299b2 རྟོགས་པ་ཡི་ཕྱོགས་རྣམས་དང་།། སྐྱེ་བོ་ཀུན་ལ་རབ་ཏུ་གསང་།། གསང་བའི་བརྡ་ངག་སྣ་ཚོགས་གསུངས།། ཐབས་ལ་མཁས་པས་བྱས་པ་ཡིན།། གསང་སྔགས་སྐྱོན་ཡོད་མ་ཡིན་ཏེ།། ཐུགས་རྗེ་ཆེན་པོ་ཐབས
299b3 མཁས་ཀྱིས།། སྣོད་མ་ཡིན་དང་བློ་རྟུལ་རྣམས།། ལས་འཕྲོ་ངན་པའི་དོན་ཕྱིར་གསང་།། བརྒྱ་ལ་གང་ཞིག་གསང་དོན་འདི།། ལས་འཕྲོ་ངན་ལ་བསྒྲགས་གྱུར་ན།། དཔེར་ན་གཙུབ་ཤིང་མེས་གཙུབས་ན།། གཙུབ
299b4 ཤིང་ཉིད་ཀྱང་ཚིག་པར་སྣང་།། གཞན་ཡང་འཚིག་པར་འགྱུར་བ་བཞིན།། ཆོས་དོན་བཟང་པོ་མེ་དང་འདྲ།། སྐལ་བ་ཆུང་ཞིང་ཤེས་རབ་དམན།། བློ་ངན་རྒྱུ་འབྲས་རྨོངས་པ་རྣམས།། མཉམ་པ་ཉིད་ལ་སྐུར་འདེབས
299b5 པས།། ངན་སོང་གསུམ་དུ་འཕེན་པར་འགྱུར།། གསང་དོན་མ་རྟོགས་སྡུག་བསྔལ་མྱོང་།། གསང་བ་སྤེལ་བར་བྱེད་པ་ཡང་།། སྨྲ་བྱེད་ལྕེ་ལ་ཞིང་རྨོ་ཞིང་།། སྡུག་བསྔལ་ཆེན་མོ་མྱོང་བར་འགྱུར།། དེ་ཕྱིར་སེམས་ཅན
299b6 དོན་ཕྱིར་གསུངས།། རླུང་ཕྱོགས་ཙམ་དུའང་བརྗོད་མི་བྱ།། སྔགས་དང་ཕྱག་རྒྱ་རྒྱུན་མི་གཅད།། སྔགས་ཞེས་རབ་ཏུ་བསྒྲགས་པ་ནི།། དོན་དམ་ཀུན་རྫོབ་དབྱེར་མེད་པའི།། མཉམ་པའི་དཀྱིལ་འཁོར་ཆེན་པོ་རུ།། སྐུ
iiif viewer powered by OpenSeadragon
