| e-texts navigator |
| Wylie |
299a1 རྗེའི་སློབ་དཔོན་སྨད་མི་བྱ།། བྱང་ཆུབ་སྟོན་པའི་འདྲེན་པ་པོ།། ལོང་བ་དམིགས་བུས་འདྲེན་དང་འདྲ།། ཉོན་མོངས་སྡུག་བསྔལ་མཚོ་སྐེམས་ཡིན།། སློབ་དཔོན་དེ་ལ་སྨོད་པ་ནི།། དཔེར་ན་མུན་ཁུང
299a2 སྒྲོན་བསད་ན།། མཐོང་བའི་དོན་མི་རྟོག་པ་བཞིན།། སྡུག་བསྔལ་ཉམ་ཐག་ཡུན་རིང་དུ།། བསྐལ་པ་མང་པོར་མྱོང་བར་མངོན།། དེ་བས་དེ་ལ་གུས་པ་རྟག་ཏུ་གྱིས།། ལུས་ལ་དབང་བའི་རྒྱལ་པོ་བས།། ཤིན་ཏུ་གཙོ
299a3 བོར་བླང་བར་བྱ།། དྲིན་ཆགས་བསྐྱེད་པའི་ཕ་མ་བས།། ཤིན་ཏུ་ལྷག་པའི་རི་མོ་བྱ།། རྡོ་རྗེ་མཆེད་དང་ལྕམ་དྲལ་ནི།། བླ་མེད་བྱང་ཆུབ་འགྲོ་བའི་ཡུལ།། ཆོས་ཉིད་དམ་ཚིག་སྨོན་ལམ་མཐུས།། བྱང་ཆུབ་རིག་རིན
299a4 ཆེན་འཛིན་སར་ངེས་པས།། དེ་ལ་ལྡོག་ཅིང་འཁུ་བ་ནི།། རང་ལ་རང་གིས་མཚོན་བཏབ་ནས།། རང་སྲོག་ཚེ་རབས་ལྔ་བརྒྱའི་བར།། རང་གིས་གཅོད་ཅིང་ཕུང་བར་འགྱུར།། ཚེ་འདིར་མི་བདེ་སྣ་ཚོགས་པ།། མི
299a5 དོད་བཞིན་དུ་འབྱུང་བར་འགྱུར།། འཇིག་རྟེན་ཕ་རོལ་དག་ཏུ་ཡང་།། ངན་སོང་གསུམ་དང་མི་ཁོམ་པའི།། སྡུག་བསྔལ་ཁ་བརྒྱུད་མྱོང་བར་འགྱུར།། ཡུན་རིང་རྟག་ཏུ་མི་ཐར་བའི།། ཤིན་ཏུ་ཉམ་ཐག་མྱོང་བར
299a6 འགྱུར།། གྲུབ་པ་གཅིག་བཞིན་ལྷན་ཅིག་སྤྱོད།། གཉིས་མེད་དང་བས་རྗེས་སྤྱོད་སྤུན།། བདེ་གཤེགས་དཀྱིལ་འཁོར་བླ་མེད་ཡིན།། ཤེས་རབ་གསལ་བས་རྟག་ཏུ་གདུང་།། ཞེས་གསུངས།། གསང་བ་གཞན་ལ་མི
iiif viewer powered by OpenSeadragon
