| e-texts navigator |
| Wylie |
294a1 བསྟན།། ཡང་དག་ཉིད་དང་ལོག་རྟོག་ཉིད།། ངོ་བོ་ཉིད་ཀྱིས་གནས་གྱུར་ནས།། དེ་ལ་བཅོས་ཤིང་བསྐུར་དུ་མེད།། ཡེ་ནས་ངོ་བོ་ཡོད་ཡིན་ན།། ཉོན་མོངས་སྤངས་ཤིང་བྱང་ཆུབ་མེད།། ཐམས་ཅད་མ
294a2 ལུས་རོ་གཅིག་འགྱུར།། ཀུན་རྫོབ་ཆུ་ཟླ་ལྟར་ཡོད་པས།། ཅིར་ཡང་འགྱུར་ཞིང་ཅིར་ཡང་འགྲུབ།། རྣལ་འབྱོར་དེ་ཉིད་རྟོགས་པ་ཡིས།། དོན་དམ་སྐྱེ་འགག་མེད་པ་སྟེ།། ཀུན་རྫོབ་སྒྱུ་མ་ཅིར་ཡང་འགྲུབ།། གནས་ངན
294a3 དུས་ན་ལོག་རྟོག་ཉིད།། གཟུང་འཛིན་བྲལ་བ་ཉིད་རྟོགས་ནས།། བདག་མེད་ཡེ་ཤེས་རང་བཞིན་ཉིད།། སྙིང་རྗེ་ཐབས་མཁས་ཏིང་འཛིན་གྱིས།། ཇི་ལྟར་དམིགས་པ་བཞིན་དུ་འགྲུབ།། སོ་སོའི་རང་བཞིན་དེས་ཤེ
294a4 ན།། ཡང་དག་ལམ་ཉིད་བཅོས་སུ་མེད།། དེ་བས་ཡང་དག་བློ་ཆེན་གྱིས།། ཐམས་ཅད་དངོས་པོ་མེད་པར་བཤད།། དཔེར་ན་དུག་གི་རིགས་ཤེས་པས།། དུག་གིས་མི་ཚུགས་བཞིན་དུ་སྣང་།། ཧ་ལ་ཧ་ལའི་དུག
294a5 རྣམས་ཀྱང་།། བསྒྲུབས་ན་ར་སྭཱ་ཡ་ནའི་སྨན།། བདུད་རྩིར་འགྱུར་ལ་ཚེ་རིང་འགྲུབ།། ཉོན་མོངས་རང་དང་སྤྱི་བསྟན་པ།། མཚན་ཉིད་མ་ནོར་དོན་རྟོགས་ན།། རྣམ་པར་བྱང་བའི་ལམ་དུ་འགྱུར།། སྐུ་གསུང་ཐུགས་ཀྱི
294a6 དངོས་གྲུབ་ཀྱང་།། གོང་ན་མེད་དེ་དེ་ཡིན་ཏེ།། ནང་གི་ཆེན་པོ་ལྔ་ཉིད་ཀྱང་།། རང་དང་སྤྱི་ཡི་དོན་བརྟགས་ན།། མཚན་ཉིད་མེད་པས་རྣམ་པར་དག། སོ་སོའི་རྩལ་རྣམས་འཛིན་གྱུར་པས།། ཐབས་ཆེན་དུ་ནི་རྣམ
iiif viewer powered by OpenSeadragon
