| e-texts navigator |
| Wylie |
293b1 བྱུང་།། སྐུ་ནི་སྣ་ཚོགས་ཐམས་ཅད་ཀྱང་།། འཇའ་ཚོན་ཆུ་ཟླ་འདྲ་ཤེས་ན།། དབྱིངས་ཉིད་ལས་ནི་དབྱིངས་སྣང་ཟད།། ཐུགས་ཉིད་གསུང་གི་དཀྱིལ་འཁོར་སྣང་།། གསུང་ཉིད་སྐུ་ཡི་དཀྱིལ་འཁོར་ཏེ།། དབྱེར་མེད་དེ
293b2 བཞིན་ཡོངས་ཀྱིས་སོ།། དཀྱིལ་འཁོར་བཟང་པོ་བསྒྲུབ་འདོད་པས།། རྟག་ཏུ་དུས་གནས་ཐམས་ཅད་དུ།། བདག་དང་བདག་གིར་དབྱེར་མེད་པས།། ཡེ་ནས་དཀྱིལ་འཁོར་ཡིན་པར་བརྟག། འདི་ནི་དངོས་གྲུབ
293b3 མཆོག་ཡིན་པར།། ཀུན་ཏུ་རྒྱལ་གྱིས་དེ་སྐད་བཤད།། སྒྱུ་འཕྲུལ་དྲ་བ་ལས།། སྐུའི་དཀྱིལ་འཁོར་མངོན་དུ་ཕྱུང་བ་ཞེས་བྱ་བའི་ལེའུ་སྟེ་ཉེར་དྲུག་པའོ།། །། སྐུའི་དཀྱིལ་འཁོར་ཟབ་ཏུ་ནི་རྒུད་ཀྱི་རྒྱལ་པོ་ཕྱི་མ
293b4 ལས་བཤད་དེ་འོད་ལ་མ་འགྱུར་ཞེས་འབྱུང་།། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས། སྔགས་འཆང་རྣམས་དོན་ཡོད་པར་བྱ་བའི་ཕྱིར། དམ་ཚིག་སུམ་བརྒྱའི་རྩ་བ་མདོར་བསྡུས་ནས།།
293b5 སྔགས་འཆང་རྣམས་ཀྱི་དོན་དུ་ཆེད་དུ་བརྗོད་པ་འདི་བརྗོད་དོ།། ཕྱོགས་བཅུའི་འཇིག་རྟེན་རྡུལ་སྙེད་དུ།། ལོག་རྟོག་མི་བཟད་རྡུལ་ཕྲན་སྙེད།། རྟོག་འདུལ་གཉེན་པོ་བསམ་མི་ཁྱབ།། འདུལ་བ་སྡོམ་པ་བསམ་ཡས
293b6 དང་།། རྡོ་རྗེའི་ཐེག་མཆོག་མང་པོ་ཀུན།། ཉིད་ལས་གཡོས་ཤིང་སྤྲོས་མེད་ཀྱང་།། རང་རིག་འཁྲུལ་པའི་རྟོག་པ་ཡིས།། བལྟ་བ་མཐོ་དམན་བསམ་མི་ཁྱབ།། དེ་འདུལ་དོན་ཕྱིར་འཚམས་པར
iiif viewer powered by OpenSeadragon
