| e-texts navigator |
| Wylie |
293a1 བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས། སྐུའི་དཀྱིལ་འཁོར་མངོན་དུ་ཕྱུང་སྟེ་འདི་སྐད་ཅེས་གསུངས་སོ།། དེ་བཞིན་ཉིད་ཀྱི་དབྱིངས་ལྡན་པས།། སྒྱུ་དང་དྲ་བ་འབྲེལ་གྱུར་ནས།། སྐུ
293a2 མཆོག་རྡོ་རྗེ་འོད་སྣང་བས།། མཐུན་པའི་རྡོ་རྗེ་རང་སྣང་ངོ་།། རྒུད་དྲུག་འཁོར་བའི་ལུས་སྣང་བ།། རྣམ་རྟོག་མཐུན་པའི་ལས་སྣང་ངོ་།། དེ་བཞིན་དྲི་བྲལ་སྐུ་མཆོག་དང་།། བདེ་གཤེགས་སྐུ་ལྔར་མདོར་བསྡུས
293a3 ཏེ།། བཅོམ་ལྡན་འདས་དང་བྱང་ཆུབ་གཟུགས།། བླ་མེད་གཟུགས་དང་རྡོ་རྗེའི་སྐུ།། དེ་ལ་སོགས་ཏེ་སྐུ་བསམ་ཡས།། ཕྱོགས་བཅུ་དུས་བཞི་ཀུན་སྟོན་པ།། ཐབས་ཀྱིས་འགྲོ་འདུལ་སྐུར་སྟོན་ཏེ།། བྱང་ཆུབ་མཆོག་གི
293a4 རྡོ་རྗེའི་སྐུ།། ཆགས་མེད་ཞིང་དུ་སྐུ་སྟོན་པ།། དབྱིངས་ལས་མ་གཡོས་བཞིན་དུ་སྣང་།། སྐུ་སྣང་དེ་བཞིན་ཉིད་ཀྱི་དབྱིངས།། རྣམ་དག་སྐུ་སྟོན་མ་ཡིན་ཏེ།། ལོག་འགྲོ་རྟོགས་པ་ཐམས་ཅད་ལ།། སོ་སོར་འདུལ་བའི
293a5 སྐུར་ཡང་སྟོན།། དེ་ཚེ་སྐྱེ་ཤི་མེད་པའི་སྐུ།། ལས་དང་མ་ཆགས་པདྨའི་སྐུ།། ཐར་དང་མཐར་སྣ་ཚོགས་ཀྱང་།། སྣ་ཚོགས་སྣང་ལ་གནས་པ་མེད།། སྣང་དང་མི་སྣང་གཉིས་ཀ་མེད།། དེ་ལྟར་རྟོགས་པའི་རིགས་མཆོག
293a6 ནི།། བཛྲ་ཞེས་སུ་གདགས་པ་ཡིན།། ཇི་སྙེད་སྐུ་སྟན་བསམ་ཡས་པ།། ཐམས་ཅད་མ་ལུས་རྡོ་རྗེར་བསྡུས།། འཁོར་ལོ་ཞེས་ཀྱང་བརྗོད་པ་ཡིན།། དེ་ལ་སོགས་ཏེ་སྐུ་བསམ་ཡས།། བྱང་ཆུབ་ཐབས་ཀྱི་དཀྱིལ་ནས
iiif viewer powered by OpenSeadragon
