| e-texts navigator |
| Wylie |
292b1 སྦྲུལ།། གཞན་ཡང་ཇི་ལྟར་འདོད་པ་བཞིན།། ལྷ་སྲིན་རྣམས་ལ་དབང་བསྒྱུར་ཅིང་།། ཚེ་དང་དུས་ལ་བསྲིང་བསྙུང་དང་།། སྟོང་གསུམ་ཉུང་འབྲུར་ཤོང་བ་དང་།། ཡུངས་འབྲུས་སྟོང་གསུམ་བསྐྱེད་པ་དང་།། ཇི་ལྟར
292b2 དམིགས་པ་བཞིན་དུ་འགྲུབ།། སྦྲུལ་དང་གཅན་གཟན་གདུག་པ་རྣམས།། ཁྱི་བཞིན་ཕྱི་བཞིན་འབྲང་བར་འགྱུར།། བདུད་དང་གདུག་པ་ལ་སོགས་པས།། ཚུགས་པར་མི་འགྱུར་བྲན་བཞིན་འགྱུར།། ལུས་མ་སྤངས
292b3 པར་རིག་འཛིན་ས།། ཡེ་ཤེས་བསོད་ནམས་ལོངས་སྤྱོད་ཀྱིས།། ཡི་གེ་འཁོར་ལོ་ཚོགས་མཆོག་བརྙེས།། ཐུགས་རྗེ་སྤྲུལ་པའི་བྱིན་རླབས་ཀྱིས།། སོ་སོར་ཐར་པའི་ལམ་ཡང་སྟོན།། འགྲོ་བ་མ་ལུས་དོན་ཡང
292b4 བྱེད།། ལས་རྣམས་ཐམས་ཅད་ཀུན་བྱས་ནས།། སྐྱེ་འཆི་མེད་པའི་གཡུང་དྲུང་འཐོབ།། མཚན་དང་དཔེ་བྱད་ཀུན་གྱིས་བརྒྱན།། བསོད་ནམས་ཡེ་ཤེས་ཚོགས་ཆེན་ལྡན།། མཐར་ཕྱིན་བྱ་བ་མེད་པར་འགྲུབ།། བསྒྲུབ
292b5 མེད་སྤང་མེད་ཆོས་ཀྱི་དབྱིངས།། འོང་མེད་འགྲོ་མེད་དེ་བཞིན་ཉིད།། འདི་ལྟར་བསྒྲུབ་ཏེ་བསྒོམས་བྱས་ན།། འབྲས་བུ་མངོན་དུ་མ་གྱུར་ཀྱང་།། ཚེ་རབས་སྐྱེ་བ་ཐམས་ཅད་དུ།། ལས་ངན་ཀུན་ཏུ་སྐྱེ་མི་འགྱུར།། ཐེག
292b6 པ་དམན་པར་ཡང་མི་འགྱུར།། རྡོ་རྗེའི་རིགས་མཆོག་འཛིན་པར་འགྱུར།། ཞེས་རྡོ་རྗེ་གསང་བའི་ཚིག་ཏུའོ།། ཤིན་ཏུ་གསང་བའི་ཚིག་ཏུ་དངོས་གྲུབ་མྱུར་དུ་ཐོབ་པར་བྱ་བའི་ལེའུ་སྟེ་ཉེར་ལྔ་པའོ།། །། དེ་ནས་དེ
iiif viewer powered by OpenSeadragon
