| e-texts navigator |
| Wylie |
292a1 གསལ་བར་འབྱོར་གྱུར་ནས།། ཉི་ཟླ་གང་བའི་ཉི་ཟླར་སྒོམ།། སྡིགས་ལ་པདྨ་ཆགས་མེད་བསྒོམ།། རིན་ཆེན་འབར་བའི་གཞལ་ཡས་བསྒོམ།། ཉི་ཟླ་གདན་དང་གཞལ་ཡས་ཁང་།། ཐམས་ཅད་བཛྲ
292a2 ཞིང་ཕྲ་བར་བསྒོམ།། དེ་དཀྱིལ་ཡི་གེ་ཧཱུཾ་གནས་པ།། མཐིང་ག་འཚེར་ལ་གསལ་བ་ཡི།། འོད་ཟེར་འཕྲོ་བར་རྣམ་པར་བསྒོམ།། འོད་ཟེར་དབྱིངས་སུ་སླར་བསྡུས་ནས།། ཤིན་ཏུ་རྡོ་རྗེ་འོད་ཟེར་འཕྲོ་བར་བསྒོམ།། རྡོ
292a3 རྗེ་འོད་འཕྲོ་གསལ་འབར་ནས།། དབྱིངས་སུ་ཡང་ནི་བསྟིམ་པར་བྱ།། དེ་ཉིད་སེམས་དཔའི་སྐུར་གྱུར་ནས།། ཤིན་ཏུ་ཕྲ་ཞིང་འདུས་པར་བསྒོམ།། དེ་བཞིན་གཉིས་མེད་གསལ་གྱུར་ནས།། སྐུ་གཅིག་རྡོ་རྗེ
292a4 འདྲིལ་དྲིལ་བུར་ཡང་འདུག་པར་བསྒོམ།། དེ་བཞིན་ཉིད་དུ་གྱུར་པ་དང་།། དབུ་གསུམ་ཕྱག་དྲུག་ཉིད་དུ་བསྒོམ།། གཞན་ཡང་འཕྲོ་འདུ་སྣ་ཚོགས་བསྒོམ།། བློ་ཡི་ཤེས་རབ་ཆེ་ཆུང་ལས།། རིམ་པ་བཞིན་དུ་བསྒོམ
292a5 པར་བྱ།། ཡང་ན་ཅིག་ཆར་བསྒོམ་པར་བྱ།། ཉི་ཟླ་གཟའ་སྐར་དུས་གཅིག་ཏུ།། ཆུ་དཀྱིལ་དངས་པར་གསལ་བ་བཞིན།། དེ་ལྟར་གོམས་རྟོགས་རིགས་མཆོག་དེས།། ཇི་ལྟར་དབང་བསྒྱུར་བཞིན་དུ་འགྲུབ།། མཁའ
292a6 ལ་འཕྱོ་དང་རིག་འཛིན་གནས།། ཆུ་རྒྱུན་བཟློག་དང་རླུང་མི་འགུལ།། རི་བྲག་ལ་སོགས་ཐོག་མེད་འཛུལ།། ཆུ་ལ་མི་འབྱིང་མེས་མི་འཚིག། དུག་དང་མཚོན་གྱིས་འཇིག་མི་འགྱུར།། མི་སྣང་བ་དང་མང་པོར
iiif viewer powered by OpenSeadragon
