| e-texts navigator |
| Wylie |
291b1 ན།། ཡེ་ཤེས་སྤྲུལ་པ་སྣ་ཚོགས་འགྲུབ།། སྤྱོད་ཡུལ་ཐམས་ཅད་མཎྜ་ལ།། ཡེ་ཤེས་དཀྱིལ་འཁོར་ཟར་བྱེད་སྐྱོང་།། ལོངས་སྤྱོད་སྐུ་དང་སངས་རྒྱས་ཞིང་།། ཇི་ལྟར་འདོད་པ་སྨོན་པས་འགྲུབ།། ཡངས་ཤིང་རྒྱ་ཆེ་ལྷུན
291b2 གྲུབ་ནི།། ཕྱི་ནང་སྣོད་བཅུད་ཡེ་ནས་དག། དག་རྟོགས་ཉིད་ཀྱང་དབྱིངས་ཉིད་ཡིན།། འདི་ནི་རྡོ་རྗེ་མཉམ་ཡིན་ནོ།། དངོས་གྲུབ་མྱུར་དུ་འགྲུབ་འདོད་ན།། ཤིན་ཏུ་ཕྲ་ཞིང་ཟབ་པར་བསྒོམ།། བདག་དང་བདག་གི
291b3 གཞི་རྣམས་ནི།། ཤིན་ཏུ་མི་དམིགས་དབྱིངས་སུ་བསྒོམ།། ཏིང་འཛིན་དེ་ནི་གོམས་པ་དང་།། ཐམས་ཅད་སྒྱུ་མ་མིག་ཡོར་དང་།། སྤྲུལ་པའི་ཚུལ་དུ་ཤེས་པར་བྱ།། དེ་བཞིན་ཡང་དང་ཡང་གོམས་ནས།། དེ་ནས་ཕྲ
291b4 མོའི་ཏིང་འཛིན་བསྒོམ།། ཕྱི་ནང་སྣོད་བཅུད་ཧཱུཾ་དུ་བསྡུ།། གང་བསྒྲུབ་ཡི་གེ་སོ་སོ་སྟེ།། སྤྱིར་ནི་གང་བསྒོམས་ཀུན་ཏུ་འདྲ།། རྡོ་རྗེ་སེམས་དཔའ་ཉིད་དུ་འདུ།། ཡན་ལག་ལྔ་དང་རྣམ་ཤེས་ཉིད།། སླར་ཡང་ཡི་གེ་ཧཱུཾ་དུ
291b5 བསྡུ།། ནརྀ་ཡི་མིག་གིས་བལྟར་ཡོད་པར།། ཡང་ནས་ཡང་དུ་འདྲིས་པ་དང་།། འོད་ཟེར་མང་པོ་འཕྲོ་བར་བྱ།། ཕྱོགས་བཅུ་དུས་བཞི་གང་བ་དང་།། སླར་ཡང་ཧཱུ~ཾ་ལ་བསྟིམ་པར་བྱ།། ཧཱུཾ་ཉིད་མི་དམིགས་དབྱིངས
291b6 སུ་ཐིམ།། ཐིམ་གྱུར་དབྱིངས་ནས་ཨ་དཀར་འབར།། ཤིན་ཏུ་འཚེར་བས་གསལ་བསྒོམས་ལ།། ཐམས་ཅད་ཨ་རུ་གྱུར་པར་བསྒོམ།། དེ་བཞིན་ཉིད་དུ་འདྲེས་གྱུར་ནས།། ཨ་ལས་ཉི་མའི་དཀྱིལ་འཁོར་སྤྲོ།། ཨ་མ
iiif viewer powered by OpenSeadragon
