| e-texts navigator |
| Wylie |
291a1 སྔགས་ཀྱིས།། ལན་འབུམ་དུ་ནི་བཟླས་ནས་ནི།། ལག་པ་གཡས་གཡོན་ཐལ་སོར་ལ།། ཁྲོ་བོ་བཅུ་དང་ཁྲོ་མོ་བཅུ།། འོད་འབར་གཟུགས་ཀྱི་སྐུ་རུ་བསྒོམ།། དེ་ནས་གཉིས་མེད་སྦྱོར་ཚུལ་དུ།། སྒྲུབ་པོ
291a2 རྡོ་རྗེར་བསྒོམ་པར་བྱ།། བསྒྲུབ་པ་དངོས་ལ་མ་གཏོགས་པ།། ཕྱོགས་བཅུ་རྣམས་སུ་མཚམས་ཀྱང་བཅད།། དངོས་གྲུབ་མ་ཐོབ་བར་དུ་ནི།། བསྒོམ་དང་བཟླས་དང་ཕྱག་རྒྱ་གསུམ།། བག་ཡོད་མགོ་ལ་མེ་སྦར
291a3 བཞིན།། བར་མཚམས་མེད་པར་བསྒྲུབ་པར་བྱ།། དེ་ལྟར་བསྒྲུབ་པའི་རིགས་མཆོག་གིས།། ལྷ་མ་སྲིན་རྣམས་བྲན་བཞིན་འཁོལ།། འཇིག་རྟེན་དབང་ཕྱུག་དབང་དུ་སྡུད།། རྡོ་རྗེའི་རིགས་མཆོག་འཁོར་རྐྱེན
291a4 རྣམས།། ཡིད་བཞིན་དུ་ནི་འབྱུང་བར་འགྱུར།། རྫུ་འཕྲུལ་ཆེན་པོ་འདི་དག་ནི།། ལུས་སྦེད་ནུས་ནས་མངོན་དུ་དབྱུང་།། དེ་མ་ཡིན་པར་ཤིན་ཏུ་གསང་།། རོ་ལངས་བསྒྲུབ་པའི་ལེའུ་སྟེ་ཉེར་བཞི་པའོ།། །། དེ་ནས
291a5 དེ་བཞིན་གཤེགས་པ་རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས། ཏིང་ངེ་འཛིན་གྱི་རིམ་པར་སྦྱོར་ཞིང་།། དངོས་གྲུབ་མྱུར་དུ་ལེན་པའི་ཐབས་འདི་སྐད་ཅེས་གསུངས་སོ།། དཀྱིལ་འཁོར་བསམ་ཡས་དངོས་གྲུབ
291a6 ནི།། མི་དམིགས་དབྱིངས་ནས་དོན་འབྱིན་ཏེ།། མ་བཅོས་ཇི་བཞིན་དང་བཞག་དང་།། ལྷུན་གྱིས་གྲུབ་པའི་དཀྱིལ་འཁོར་འབྱུང་།། མི་དམིགས་ཐུགས་ཀྱི་དཀྱིལ་འཁོར་ལས།། ཏིང་ངེ་འཛིན་གྱིས་དབང་བསྒྱུར
iiif viewer powered by OpenSeadragon
