| e-texts navigator |
| Wylie |
289b1 གནས།། མིང་ཙམ་མཆོག་རོལ་ཐབས་དང་ཤེས་རབ་མཆོག་གིས་རྫོགས།། ལམ་སྟེགས་ཉིད་དུ་ཕ་རོལ་ཕྱིན་བཅུ་རྫོགས་པར་རྒྱུ་འབྲས་སྤྱོད།། མཉམ་ཉིད་རིག་པའི་རྡོ་རྗེ་ཐབས་ཆེན་ཡང་དག་ལྡན།། འགྲོ་མེད་འོང
289b2 མེད་མི་གནས་ཀུན་ཁྱབ་ཁྱབ་མེད་ཉིད་ཀྱིས་བཤད།། ཨ་ཧོཿ། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས།། ཕ་རོལ་ཏུ་ཕྱིན་པ་བཅུ་དང་། ས་བཅུ་དང་། ས་གཉིས་དང་། ཐབས་ཀྱི་མཆོག་དང་། སངས་རྒྱས་ཀྱི་ཞིང་མ་ལུས
289b3 པར་ཡིད་དང་ཆོས་སུ་འདུས་པར་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱིས།། མི་འཆི་བའི་རྡོ་རྗེ་བསྒྲུབ་པ་འདི་གསུངས་སོ།། རྡོ་རྗེ་ཞིང་ཆེན་བསྒྲུབ་འདོད
289b4 པས།། ཐམས་ཅད་སྐྱེ་ཤི་མེད་ཚུལ་དུ།། མཉམ་ཉིད་དག་པ་ཉིད་དུ་བསྒོམ།། ཁྲོ་བོ་བདུད་རྩི་འཁྱིལ་པ་ནི།། ཛཿཧཱུཾ་བཾ་ཧོཿས་དགུག་པར་བྱ།། བདག་དང་ཁྲོ་བོ་གཉིས་མེད་པར།། ཡང་ནས་ཡང་དུ་བསྒྲུབ་པར་བྱ།། སྐུ
289b5 རྣམས་གསལ་བར་གྱུར་པ་དང་།། ཞིང་ཆེན་འོག་ཏུ་གཞུག་པར་བྱ།། དཀྱིལ་འཁོར་མ་ལུས་དེར་བཀོད་ནས།། ཁྲོ་བོ་ཁྲོ་མོའི་དཀྱིལ་འཁོར་བསྒོམ།། མངགས་པའི་ཕོ་ཉ་ཕྱོགས་བཅུར་གཏང་།། ཐམས་ཅད་མ་ལུས
289b6 དབང་དུ་བསྡུ།། བསྒྲུབ་པ་གཅིག་གམ་ཡང་ན་གཉིས།། གསུམ་དང་ལྔ་རུ་བསྒོམ་པར་བྱ།། ཕོ་ཉ་མང་པོས་ནརྀ་བཀུག་ནས།། ཞིང་ལ་ཡང་དང་ཡང་དུ་གཞུག། སྣར་དང་སེར་དང་མདོག་སྣུམ་འབྱུང་།། དེ་ནས་ཏིང
iiif viewer powered by OpenSeadragon
