| e-texts navigator |
| Wylie |
288b1 ལེན་གྱིས་ནི་ལྕགས་སྡུད་ལྟར།། མི་འདོད་བཞིན་དུ་དབང་མེད་པར།། ངན་སོང་མི་ཁོམ་བསྐལ་པར་བརྒྱུད་པར་འགྱུར།། དེ་བས་འདི་ནི་ཤིན་ཏུ་གསང་བར་བྱ།། ཤེས་རབ་རྒྱ་ཆེན་བློ་ཟབ་ཡངས་པ་ཡི།། བློ་བརྟན
288b2 སྙིང་རྗེ་ཆེ་བ་དང་།། དད་ལྡན་ངང་ཚུལ་བཟང་ལ་བསྟན།། གཞན་དུ་ནམ་ཡང་སྦྱིན་མི་བྱ།། ཞེས་ཉིད་ལ་ཉིད་བརྗོད་དོ།། ཤིན་ཏུ་ཟབ་པའི་ཕྱིར་རྒྱུད་གཞན་གྱི་ནང་དུ་མ་བཤད་དོ།། གསང་བའི་དཀྱིལ་འཁོར་ཁམས
288b3 ཉི་ཤུ་རྩ་གཅིག་ཏུ་བསྡུས་ནས།། ཐམས་ཅད་མ་ལུས་པ་དབྱིངས་སུ་སྡུད་པའི་ལེའུ་སྟེ་ཉེར་གཉིས་པའོ།། །། དེ་ནས་དེ་བཞིན་གཤེགས་པའི་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས། ཆོས་ཐམས་ཅད་ཡིད་དང་ཆོས
288b4 སུ་འདུས་པར་བསྟན་པ་དང་། ཤེས་རབ་ཐམས་ཅད་ནི་ཡུམ་བཞིར་འདུས། ཡུམ་བཞི་ཡང་གཅིག་ཏུ་འདུས་སོ།། ཐབས་ཐམས་ཅད་ནི་རིགས་བཞིར་འདུས། རིགས་བཞི་ཡང་གཅིག་ཏུ་འདུས་ཏེ། ཐམས་ཅད་དབྱིངས
288b5 དང་དབྱིངས་ཀྱི་ཡེ་ཤེས་སུ་འདུས་པར་བསྟན་ནས། ཚིག་མགོ་མཇུག་གི་དོན་བསྡུས་ནས་ཡང་འདི་སྐད་ཅེས་བརྗོད་དོ།། དོན་གྱི་རྩ་བའི་མཆོག་ཡིན་ནོ།། ཐམས་ཅད་མ་ལུས་མི་ལུས་མི་དམིགས་མ་ཆགས་ཆོས་ཉིད
288b6 དེ།། དེ་བཞིན་དབྱིངས་ཉིད་སྣ་ཚོགས་མང་པོ་ཐབས་སུ་སྣང་།། ཐབས་ཉིད་སྒྱུ་མ་མིག་ཡོར་ཆུ་ཟླ་གཟུགས་བརྙན་ཡིན།། དེ་ཉིད་རང་རིག་ཡེ་ཤེས་ཆགས་མེད་སྣ་ཚོགས་སྣང་།། ཐབས་དང་ཤེས་རབ་ལྡན་པས་མཆོག
iiif viewer powered by OpenSeadragon
