| e-texts navigator |
| Wylie |
287b1 ཁམས་རྣམས་བཅོ་བརྒྱད་པོ།། བྱང་ཆུབ་སེམས་དཔའ་སེམས་མ་ཉིད།། དཀྱིལ་འཁོར་ཉིད་ཀྱི་དབྱིངས་ཡིན་ཏེ།། ཐམས་ཅད་འབྱུང་བ་རྡོ་རྗེ་གསང་བའི་དབང་།། དབང་པོ་ཡུལ་ཉིད་ཤེས་རབ་པདྨའི
287b2 དབྱིངས།། དབང་པོའི་ཐུགས་ནི་རྡོ་རྗེ་སེམས།། ཐམས་ཅད་འབྱུང་བའི་གཏེར་ཉིད་དང་།། ཐམས་ཅད་འགྲོ་བའི་གནས་ཉིད་དེ།། དེ་ཡིས་མ་བསྐྱེད་གང་ཡང་མེད།། འཁོར་དང་མྱ་ངན་འདས་པའི་རྒྱུ།། དེ་ལས་ཐམས
287b3 ཅད་སྐྱེ་ཞིང་འབྱུང་། ཀུན་གྱི་ཕྱག་རྒྱའི་རྒྱུ་ཡིན་ཏེ།། བདེ་བ་བྱང་ཆུབ་སྒྲུབ་པའི་རྫས།། དེ་ལས་བསྐྱེད་ཅིང་དེ་ལས་སྤྲོ།། དངོས་གྲུབ་ཐམས་ཅད་བསྒྲུབ་པའི་གནས།། དབང་པོ་རྡོ་རྗེ་པདྨར་ལྡན།། གཉིས་མེད་བྱང་ཆུབ
287b4 སེམས་འཕྲོ་ན།། མི་དམིགས་བདེ་དང་ལོངས་སྤྱོད་འཕྲོ།། སྐུ་གསུང་ཐུགས་དང་ཡེ་ཤེས་ལྔ།། གསང་བའི་ལྷ་མོ་བཞི་རྣམས་དང་།། མཆོད་པའི་ལྷ་མོ་རྫོགས་ལྡན་བཞི།། འཇུག་དང་ལྡང་དང་གནས་དང་སྨོན་པའི
287b5 བྱང་ཆུབ་སེམས།། གཡོ་དང་བསྐྱོད་དང་ལྡང་དང་གནས།། འགུགས་དང་འཛིན་པ་དེ་བཞིན་ཏེ།། བསྡུས་དང་འཁྲིལ་བའི་དོན་བསྒྲུབ་ཕྱིར།། བསྡམས་དང་མི་གཏོང་དབང་གྱུར་ཏེ།། བདེ་བ་སྒྲ་སྙན་ཕྱོགས་བཅུར
287b6 སྒྲོགས།། ཤིན་ཏུ་སྒེག་པའི་གཟི་བརྗིད་འབར།། ཡིད་བཞིན་རིན་ཆེན་ཕྲེང་བར་འབར།། དབྱངས་སྙན་ཡིད་འཕྲོག་གཟི་ལྡན་འབར།། གཟུགས་མཛེས་བསྐྱེད་པ་ཕྱོགས་བཅུར་གཡོ།། ཀུན་ཏུ་ཚིམས་བྱེད་བྲོ
iiif viewer powered by OpenSeadragon
