| e-texts navigator |
| Wylie |
286a1 འཇིག་རྟེན་གཙོ་མཆོག་རྣམས་ཀྱིས་བསྐོར།། ཨ་ཧོ།། ཆོས་སྐུའི་ཕྱག་རྒྱ་དེ་དག་ལས།། ལས་ལྔའི་དཀྱིལ་འཁོར་རབ་ཏུ་བསྒྲུབ།། ཏིང་ངེ་འཛིན་གྱིས་དབང་བསྐུར་ན།། ཇི་ལྟར་དམིགས་པ་བཞིན་དུ
286a2 འགྲུབ།། དྲག་པོ་གཏུམ་པོ་འདུལ་བའི་ཕྱིར།། བདག་ཉིད་དྲག་པོར་བསྒོམས་ནས་ནི།། ཆོས་སྐུ་ནག་པོ་འོད་འབར་གྱིས།། བགེགས་ཀྱི་ལིང་ག་གནན་པར་བྱ།། གཏུམ་པོ་དྲག་པོའང་བརླགས་པར་འགྱུར།། མི་མཐུན
286a3 ཕྱོགས་ཀྱང་རྡུལ་དུ་རློག། འདི་དང་འགྲོ་བ་ཐམས་ཅད་དུ།། ཤིན་ཏུ་སྟོབས་དྲག་ཆེ་ལྡན་འགྱུར།། ཐམས་ཅད་མ་ལུས་གཉིས་མེད་དབྱིངས་བསྡུའི་ཕྱིར།། བདག་ཉིད་ཧ་ཡ་གྲཱི་ཝར་བསྒོམ།། དམར་པོའི་ཆོས་སྐུ་གསལ
286a4 བསྒོམས་ཏེ།། མི་མཐུན་ཕྱོགས་རྣམས་གདན་དུ་བཏིང་།། ཏིང་འཛིན་གསལ་བས་བྱིན་བརླབས་ན།། ཐམས་ཅད་མ་ལུས་དབང་དུ་འདུ།། མཐུ་ཆེན་དག་ཀྱང་ཕྱི་བཞིན་འབྲང་།། ཅི་འདོད་ལས་རྣམས་བྱེད་པར
286a5 གྱུར།། ཐམས་ཅད་ཡོན་ཏན་འཕེལ་བྱའི་ཕྱིར།། བདག་ཉིད་རྒྱལ་བའི་ཁྱུ་མཆོག་སྟེ།། གསེར་གྱི་མདོག་འདྲ་ཕྱག་རྒུར་བསྒོམ།། གང་འཕེལ་ཆོས་སྐྲའི་གདན་དུ་བཞག། དེ་ལྟར་དག་པས་བྱིན་བརླབས་ན།། ཡོན
286a6 ཏན་ནམ་མཁའི་མཐའ་དང་མཉམ།། ཚེ་དང་ལོངས་སྤྱོད་འཕེལ་བ་དང་།། ཇི་ལྟར་དམིགས་པ་བཞིན་དུ་འགྲུབ།། ཐུགས་རྗེ་ཆེན་པོའི་བྱིན་རླབས་ཀྱིས།། གཏུམ་ཁྲོ་མ་ལུས་ཞི་བྱའི་ཕྱིར།། དཀར་ཞིང་འཚེར་བའི་ཆོས
iiif viewer powered by OpenSeadragon
