| e-texts navigator |
| Wylie |
285a1 ཆུ་གསོལ།། དབུ་ལ་རིན་ཆེན་སྣ་ཚོགས་མཛེས།། བེ་ཤྲ་མ་ཎཱ་ཡ་སྭཱ་ཧཱ།། ཛཿཧཱུཾ་བཾ་ཧོཿ། ཀུ་བེ་ར་བམ་བམ།། ཀར་ཀང་ཀང་ཡང་འདུག་ཀར་ཡང་ཡང་ཛཿཧཱུཾ་བཾ་ཧོཿ། འབུམ་དུ་བཟླས་ཤིང་སྲོག་ཡོད་པར།། ཡང
285a2 དང་ཡང་དུ་བཟླས་པར་བྱ།། བདག་ཉིད་བདུད་རྩི་ཧེ་རུ་ཀ། ཛཿཡིས་རྣམ་ཐོས་སྙིང་ནས་བྲང་།། དབང་དུ་ཡང་དག་བསྡུ་བར་བྱ།། རྒྱབ་ནས་རྡོ་རྗེ་ཅན་གྱིས་ཕུལ།། ཡིད་བཞིན་རིན་ཆེན་དབང་དུ་འགྱུར།། གནོད་སྦྱིན
285a3 འཁོར་རྣམས་བྲན་བཞིན་བསྡུ།། རིན་ཆེན་སྤྲོས་ཤིང་ལས་རྣམས་བསྒྲུབ།། ཅི་འདོད་ལས་རྣམས་བྱེད་པར་འགྱུར།། སྒྱུ་འཕྲུལ་དྲ་བ་ལས། ལྷ་ཆེན་པོ་བསྒྲུབ་པ་དང་རྒྱལ་པོ་ཆེན་པོ་བཞིའི་དཀྱིལ་འཁོར་བཀོད་ཅིང
285a4 སྒྲུབ་པའི་ལེའུ་སྟེ་ཉི་ཤུ་པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ལྷག་པའི་གཟུགས་བརྙན་གྱི་དཀྱིལ་འཁོར་གྱི་དངོས་གྲུབ་བླང་བའི་ཐབས་འདི་གསུངས་སོ།། ཡེ་ནས་མཉམ
285a5 ཉིད་དཀྱིལ་འཁོར་ལ།། ཐབས་དང་ཤེས་རབ་ལྡན་བྱས་ཏེ།། རང་རིག་ཡེ་ཤེས་རྒྱལ་པོ་ཡིས།། ཐམས་ཅད་མ་ལུས་མཎྜ་ལ།། དེ་བཞིན་ཉིད་ཀྱི་གཞལ་ཡས་ལ།། རིག་པ་རང་དབང་གྱུར་པ་ཡིས།། མཉམ་ལ་མཉམ
285a6 པར་མི་གནས་པའི།། ཆོས་སྐུའི་ཕྱག་རྒྱ་ཆེན་པོར་བསྒོམ།། འཇིག་རྟེན་བརྟན་གཡོ་ཐམས་ཅད་ལ།། རང་བཞིན་དཀྱིལ་འཁོར་གནས་མོད་ཀྱང་།། གཟུང་འཛིན་རྣམ་རྟོག་ཞགས་པ་ཡིས།། རང་རིག་བསྒྲིབས་ཤིང
iiif viewer powered by OpenSeadragon
