| e-texts navigator |
| Wylie |
284b1 ཡང་དེ་བཞིན་ཏེ།། སྙིང་པོ་འབུམ་ཕྲག་གསལ་བཟླས་ནས།། ཏིང་འཛིན་ཕྱག་རྒྱ་བསྒྱུར་རུང་ཞིང་།། ལྷ་ཉིད་དུ་ནི་གསལ་གྱུར་ནས།། རྒྱལ་པོ་དེ་ཡི་གཟུགས་མདོག་ནི།། ཤིན་ཏུ་དམར་ཞིང་འཚེར་བ་སྟེ།། ལག
284b2 གཡས་བདུད་རྩིའི་བུམ་པ་གསོལ།། ལག་གཡོན་འདོད་ཡོན་ལྔ་ཡི་ཚུལ།། ནུབ་ཕྱོགས་ཀླུ་རྣམས་རེ་བ་བསྐང་།། སྦྲུལ་མགོ་དགུ་ཡི་གདེངས་ཀ་ཅན།། དེ་ནི་རབ་ཏུ་དབང་བསྡུ་ཕྱིར། བྷི་རུ་ཏ་ཀ་སྭཱ་ཧཱ། ཛཿཧཱུཾ་བཾ་ཧོཿ། ན
284b3 ག་ཤི་ནི། བི་མ་པག་བིམ་པག་ཛཿཧཱུཾ་བཾ་ཧོཿ། འབུམ་ཕྲག་དུ་མ་བཟླས་ནས་ནི།། དེ་ནི་བདག་གི་དབང་དུ་བསྡུ།། བདག་ཉིད་ལྷ་རུ་གསལ་བསྒོམས་ནས།། མིག་མི་བཟང་གི་སྙིང་ག་ནས།། ཛཿཡིས་རབ་ཏུ་བཟུང་ནས
284b4 དྲང་།། རྒྱབ་ནས་རྡོ་རྗེ་ཅན་གྱིས་ཕུལ།། དེ་ནས་བདག་དང་གཉིས་མེད་པའི།། དབྱེར་མེད་པར་ནི་གྱུར་པ་དང་།། ཅི་འདོད་ལས་དེ་བྱེད་དུ་གཞུག། མིག་ངན་འཁོར་རྣམས་མ་ལུས་པས།། བདག་གི་ལས་རྣམས
284b5 རྫོགས་པར་བྱེད།། རྒྱལ་པོ་རྣམ་ཟོས་བསྒྲུབ་པ་ནི།། བདག་ཉིད་ཁྲོ་བོ་བདུད་རྩི་འཁྱིལ།། སྐུ་མདོག་ཕྱག་མཚན་སྔ་མ་བཞིན།། གསལ་ཞིང་འོད་འཕྲོ་རབ་བསྒོམས་ཤིང་།། རང་སྔགས་སྙིང་པོ་འབུམ་ཕྲག
284b6 བཟླས།། ཏིང་འཛིན་བསྒྱུར་དུ་རུང་བ་དང་།། རྣམ་ཐོས་དག་ནི་རྟག་ཏུ་བསྒྲུབ།། གཟུགས་ནི་རིན་ཆེན་བཻ་ཌཱུརྱ།། ཡང་ན་མདོག་ནི་སྔོ་ཞིང་འཚེར།། ཕྱག་གཡས་རིན་ཆེན་དབྱིག་ཏོ་ཐོགས།། གཡོན་ན་འདོད་ཡོན་བུམ
iiif viewer powered by OpenSeadragon
