| e-texts navigator |
| Wylie |
283b1 གཟུགས་ནི་སྔ་མའི་ཚུལ།། ལྷ་ཡི་ས་བོན་འབུམ་ཕྲག་ཏུ།། སྲོག་དང་ལྡན་པར་བཟླའ་བར་བྱ།། མདུན་ནས་ཛཿཧཱུཾ་བཾ་ཧོཿས་དྲང་།། རྒྱབ་ནས་རྡོ་རྗེ་ཅན་གྱིས་ཕུལ།། ཇེ་ཉེ་ཇེ་ཉེ་གཉིས་མེད་པར།། ལྷ་ཆེན་པོ་ནི་གསལ
283b2 གྱུར་ནས།། ཅི་འདོད་ལས་དེ་བྱེད་དུ་གཞུག། ལྷ་ཆེན་འཁོར་རྣམས་ཐམས་ཅད་ཀྱང་།། དེ་གྲུབ་དབང་མེད་འདུ་བར་འགྱུར།། གང་འདོད་ལས་རྣམས་བྱེད་པར་འགྱུར། དེ་ནས་རྒྱལ་པོ་ཆེན་པོ་སྡེ་བཞི་སྒྲུབ
283b3 པའི་ཐབས་འདི་གསུངས་སོ།། བྱང་ཆུབ་སེམས་མཆོག་ཏིང་འཛིན་གྱིས།། ཕྱོགས་བཞི་མ་ལུས་ཐམས་ཅད་ཀུན།། རིག་སྔགས་འཆང་གི་དོན་སྒྲུབ་ཏུ།། རྒྱལ་པོ་བཞི་ཡང་དབང་དུ་བསྡུས།། བདག་ཉིད་རིགས
283b4 བཞིའི་ཧེ་རུ་ཀ། གོང་ནས་བྱུང་བའི་དོན་བཞིན་བསྒོམ།། ལྷ་ཉིད་རྟག་ཏུ་གསལ་གྱུར་ཅིང་།། ལྷ་ཡི་གཟུགས་ཚུལ་གསལ་བར་བསྒོམ།། བདག་ཉིད་ལྷ་དང་གཉིས་མེད་པར།། ཡང་དག་དོན་དུ་གསལ་བར
283b5 བསྒོམ།། དེ་ནས་རྒྱལ་པོ་ཡུལ་འཁོར་སྲུང་།། གཟུགས་ནི་གངས་རི་ཉི་ཤར་འདྲ།། མཆོད་སྦྱིན་འོད་ཟེར་བརྒྱ་དང་ལྡན།། ལག་གཡས་རྡོ་རྗེ་དྲིལ་བུ་ལ།། ལག་གཡོན་བདུད་རྩིའི་བུམ་པ་གསོལ།། གཞན་དུ་ཡུལ་འཁོར་སྲུང
283b6 བྷྲྀ་ཏ་ཤྭ། འཕགས་སྐྱེས་པོ་ལ་བི་རུ་ཌྷ་ཀ། མིག་མི་བཟང་ལ་བྷི་རཱ་བཀྵ། རྣམས་ཡོད་པ་དང་མ་མཐུན་པས་དཔྱད།། ཨིན། སྔགས་རྣམས་སོར་བཞག་ཏྲ་སཱ་ཡ་སྭཱ་ཧ། ཛཿཧཱུཾ་བཾ་ཧོཿ། ཏྲ་མི་ཏ་ཧཱཾ་ཧཱཾ། སུ་ར་ཏ་བག་ཏ་ཛ་ཛ་ཛ་ཛཿཧཱཾ་ཧཱཾ་ཞེས་ལན་འབུམ་བཟླས
iiif viewer powered by OpenSeadragon
