| e-texts navigator |
| Wylie |
283a1 དང་ཤེས་རབ་ལྡན་གྱུར་པས།། ཇི་ལྟར་དམིགས་པ་བཞིན་དུ་འགྲུབ།། འདི་ནི་རང་བྱུང་ལྷ་ཡི་ལྷ།། བྱམས་དང་སྙིང་རྗེ་ལྡན་པར་རོལ།། ཐུགས་རྗེ་ཆེན་པོ་ཟབས་མཁས་པས།། ཐམས་ཅད་ཀུན་ལ་སྤྱོད
283a2 གྱུར་ཀྱང་།། བག་ཆགས་སོགས་པར་མི་འགྱུར་ཏེ།། བསོད་ནམས་ཡེ་ཤེས་ཚོགས་འགྱུར་རྫོགས།། ཐབས་མཁས་སྤྱོད་པ་མ་གཏོགས་པར།། གཟུང་འཛིན་འཁྲུལ་རྟོག་རྡུལ་ཙམ་མེད།། དེ་བཞིན་ཉིད་དང་དབྱེར་མེད
283a3 ཕྱིར།། རྟག་ཏུ་རང་བཞིན་འོད་གསལ་གནས།། དེ་ནས་བདག་ཉིད་རྒྱུད་དོན་གང་ནས་འབྱུང་བའི་ལྷ་ཁྲོ་བོ་དང་། ཞི་བ་གང་ལ་གོམས་པ་དེ་གསལ་བར་བསྒོམས་ནས། ཏིང་ངེ་འཛིན་ལས་སུ་རུང་ཞིང་ལྷར་གསལ
283a4 བར་གྱུར་པ་དང་། རང་གི་ལྷའི་བཟླས་པ་འབུམ་འབུམ་གདོན་ཏོ།། ལྷ་ཆེན་པོ་ནི་དགུག་པའི་ཕྱིར།། ལྕགས་ཀྱུ་ཞགས་པ་སྥོ་ཊ་བཾ།། མ་ཧ་དེ་བ་ཧཱུཾ་ཛཿ། ཛཿཧཱུཾ་བཾ་ཧོཿ། ལྷ་ཡི་དབང་པོའི་སྙིང་ག་ནས།། ཡང་ནས་ཡང་དུ
283a5 རྣམ་པར་དྲངས།། མ་མ་ཏྲག་ཤ་མ་ཧཱ་དེ་གྲྀཧྞ་གྲིཧྞ་ཧཱུཾ་ཧཱུཾ། ལྷ་གཟུགས་མདོག་ནི་འཚེར་ལ་དཀར།། ལུས་ནི་རིན་ཆེན་ཀུན་གྱིས་བརྒྱན།། གཙུག་ན་ཡིད་བཞིན་རིན་ཆེན་འབར།། ལག་པ་གཡས་ན་ཐོགས་པ་ནི།། ཡིད
283a6 བཞིན་བདུད་རྩི་བུམ་ཆུ་གསོལ།། གཡོན་ན་རིན་ཆེན་སྣ་ལྔ་སྟེ།། ལྷ་རྣམས་ཀུན་གྱི་རེ་བ་བསྐང་།། བཙུན་མོ་ཨུ་མ་དང་གནས་པ།། རྟག་ཏུ་འདོད་ཡོན་ལྔ་དང་ལྡན།། བདག་ཉིད་སྣང་མཛད་གཞལ་ཡས་ཁང་།། ལྷ་ཡི
iiif viewer powered by OpenSeadragon
