| e-texts navigator |
| Wylie |
281b1 རྣམས་འདུལ་བ་ནི།། རིན་པོ་ཆེ་ཡི་དབྱུག་ཏོ་དང་།། ནརྀ་མགོ་གསུམ་གྱི་དབྱུག་ཏོ་ཅན།། གནོད་སྤྲིན་གདོན་རྣམས་ཚར་གཅོད་པའོ།། མཚམས་བཞིའི་བགེགས་རྣམས་འདུལ་བ་ནི།། ཕྱོགས་བཞི་དག་གིས་འདུལ་བར
281b2 འགྱུར།། གལ་ཏེ་དེ་ཡིས་མ་འདུལ་ན།། བྱང་ཤར་མཚམས་ཀྱི་བགེགས་འདུལ་བ།། རྡོ་རྗེ་རྩེ་གསུམ་ནརྀ་མགོ་གདེངས།། ཨེ་ཤ་ཉིད་ཀྱང་ཕྱག་ན་བསྣམས།། འབྱུང་པོའི་སྡེ་ཀུན་རབ་ཏུ་འདུལ།། ཤར་ལྷོ་མཚམས་ཀྱི
281b3 བགེགས་འདུལ་བ།། རྡོ་རྗེ་ཡེ་ཤེས་མེ་ཆེན་འབར།། མེ་དེ་ཉིད་ཀྱང་འཚིག་པར་བྱེད།། དྲང་སྲོང་ཉིད་ཀྱང་ཕྱག་རྒྱར་བསྣམས།། མེ་ལྷ་གདོན་འཁོར་དབང་དུ་བསྡུ།། ལྷོ་ནུབ་མཚམས་ཀྱི་བགེགས་འདུལ་བ།། རྡོ་རྗེ
281b4 སྲིན་པོའི་མགོ་ཅན་ཏེ།། རབ་ཏུ་རྣོ་བའི་རལ་གྲི་འབར།། བདེན་བྲལ་ཉིད་ཀྱང་ཕྱག་ན་བསྣམས།། སྲིན་པོའི་ཚོགས་རྣམས་དབང་དུ་བསྡུ།། ནུབ་བྱང་མཚམས་ཀྱི་བགེགས་འདུལ་བ།། རླུང་གི་བ་དན་ནརྀ་མགོ
281b5 གདེངས།། ཤིན་ཏུ་དྲག་པོ་གླང་པོའི་བརྗིད།། ཚིག་སྲུང་ཉིད་ཀྱང་ཕྱག་ན་བསྣམས།། གཡེང་བ་ཐམས་ཅད་དབང་དུ་བསྡུ།། འོག་གི་འཇིག་རྟེན་བགེགས་འདུལ་བ།། ཕྱག་རྒྱ་རི་རབ་ཆེན་པོ་སྟེ།། ཕག་ཆེན་པོ་ནི་ཕྱག
281b6 ན་བསྣམས།། འོག་གི་བགེགས་རྣམས་འདུལ་བའོ།། གཞན་ཡང་ཉི་ཟླའི་དཀྱིལ་འཁོར་གྱིས།། ཚ་དང་གྲང་བའི་སྡུག་བསྔལ་སེལ།། མེ་ཡི་དཀྱིལ་འཁོར་ཆེན་པོ་ཡིས།། ཐམས་ཅད་མ་ལུས་བསྲེག་པར་བྱེད།། ཆུ་ཡི།
iiif viewer powered by OpenSeadragon
