| e-texts navigator |
| Wylie |
276b1 འདྲིས་པ་དང་།། ཕྱག་རྒྱའི་སྐུ་ཉིད་གསལ་བར་བསྒོམ།། སྐུ་དེ་ཚོན་གང་འོད་འབར་ནས།། ཐབས་དང་ཤེས་རབ་ལྡན་པའི་རྒྱ།། འོད་འཕྲོ་འབར་ཞིང་དོན་བྱེད་བསྒོམ།། ཡང་ན་ཕྱག་རྒྱ་ཆེན་པོ་སྟེ།། བདག་ཉིད་ཞལ
276b2 གཅིག་ཕྱག་གཉིས་སམ།། ཞལ་གསུམ་ཕྱག་དྲུག་རྟག་ཏུ་བསྒོམ།། གཞལ་ཡས་ཁང་དང་གདན་ཁྲི་རྣམས།། ཕྲ་བའི་ཚུལ་དེ་སྔ་མ་བཞིན།། མཚན་དང་དཔེ་བྱད་ཐམས་ཅད་ལྡན།། དབུ་རྒྱན་ཡི་གེ་ལྔ་དང་ལྡན།། རྡོ་རྗེ
276b3 འཁོར་ལོ་རལ་གྲི་དང་།། རིན་ཆེན་པདྨ་དྲིལ་བུ་འབར།། ཕྱག་རྒྱ་ཆེན་པོ་དེ་དག་ལས།། ཕྱོགས་བཅུ་མ་ལུས་གཞལ་ཡས་ཁང་།། ཉི་ཟླ་གཟའ་སྐར་དཀྱིལ་འཁོར་གདན་དང་རྒྱན།། བདེ་གཤེགས་དཀྱིལ་འཁོར་མ
276b4 ལུས་བསྒོམ།། ཐུགས་རྗེ་བྱིན་རླབས་འགྲོ་དོན་མཛད།། ཞི་བ་ཕྱོགས་གཅིག་ཤེས་བྱ་སྦྱང་།། ས་བཅུ་མཉམ་པར་སྦྱོང་བྱེད་ཅིང་།། བདེ་གཤེགས་འཁོར་ཡང་དག་པར་བྱེད།། དེ་ལྟར་བསྒྲུབ་པའི་ཆོག་མཆོག
276b5 དེ།། འབྲས་བུ་མངོན་དུ་མ་སྨིན་ཀྱང་།། སྡུག་བསྔལ་ཐམས་ཅད་ཡོངས་མི་འབྱུང་།། ལྷ་མི་མཚན་རྫོགས་ཡོངས་སུ་འགྲུབ།། ཐེག་པ་དམན་པར་ཡོངས་མི་སྐྱེ།། བདེ་གཤེགས་འབྱུང་དང་བསྐལ་མི་འགྱུར།། བྱང་ཆུབ
276b6 གཟུངས་ལ་ཞུགས་པ་ཡིན།། ཞེས་ཉིད་ལ་ཉིད་གསུངས་སོ།། རྡོ་རྗེ་གསང་བའི་ཚིག་ཏུའོ།། རྡོ་རྗེ་སེམས་དཔའ་སྒྲུབ་པའི་ལེའུ་སྟེ་བཅུ་དྲུག་པའོ།། །། དེ་ནས་དེ་བཞིན་གཤེགས་པ་སྒྱུ་འཕྲུལ་དྲ་བ
iiif viewer powered by OpenSeadragon
