| e-texts navigator |
| Wylie |
275a1 དཀར་ཞིང་འཚེར་བ་ཞིག་བསྒོམ། ཨ་དེ་ཤིན་ཏུ་གསལ་བར་གྱུར་པ་དང་། ཕྱོགས་བཅུར་འོད་དུ་འཕྲོས་པར་བསྒོམ། འོད་དེ་སླར་ཨ་ལ་བསྡུ་ཞིང་བསྟིམ། མ་དང་ཨ་ལས་ཉི་མ་དང་ཟླ་བའི་དཀྱིལ
275a2 འཁོར་ལྡན་ཞིང་འཚེར་ལ་གསལ་བར་བསྒོམ། ཧྲཱིཿལས་པདྨའི་དཀྱིལ་འཁོར་གསལ་བར་བསྒོམ། ཧཱུཾ་ཤིན་ཏུ་འོད་འབར་བར་བསྒོམ། སྙིང་གི་དཀྱིལ་དུ་རྡོ་རྗེ་སེམས་དཔའ་ཚོན་གང་བ་ཞིག་ཕྱག་རྒྱ་དང་ལྡན་པར
275a3 བསྒོམ། བཞི་བཅུ་རྩ་གཉིས་ཀྱི་སྔགས་དང་ཡིག་འབྲུ་དང་། ཕྱག་རྒྱ་ཡང་གསལ་བར་བཟླས། འབྲུ་གསུམ་དང་འབྲུ་ལྔ་ཡང་བཟླས། འདུག་ན་འབྲུ་བཞིས་མཚམས་གཅད། རྟག་ཏུ་ཧོམ་བྱ། ཚོགས་དང་མཆོད་པ་ཡང
275a4 བྱ། མང་པོ་མི་ནུས་པའི་དོན་དུ་ཧོམ་གང་བགྱི་ཡང་རུང་། དཀྱིལ་འཁོར་གྱི་དབུས་ཀྱི་གཙོ་བོར་སྤྱིར་ནི་རྡོ་རྗེ་སེམས་དཔའ། དྲག་པོ་ཡང་རྡོ་རྗེ། དབང་པདྨ་ཧེ་རུ་ཀ། རྒྱས་པ་རཏྣ་ཧེ་རུ་ཀ། ཞི་བ་བུདྡྷ་ཧེ་རུ་ཀ། སྤྱན
275a5 དྲང་བ་ནི། ཨེ་ཧྱེ་ཧི་མ་ཧ་ཀཱ་རུ་ཎི་ཀ་ཞེས་ཧོམ་གང་བྱེད་པའི་ལྷ་གཙོ་བོ་ནས་སྤྱན་དྲངས། མཆོད་པ་དང་། ཨརྒྷ་དབུལ་བ་ནི་དྲག་པོའི་མགོར་ནི་སྔགས་རི་ལ་ཧཱུཾ། ཞི་བ་ལ་མགོར་རིལ་ཨོཾ། བར་མ་རྣམས་ལ་ཡང་དེ
275a6 བཞིན་སྦྱར། སྤྱན་དྲང་བ་ནི་གང་མཛད་པའི་གཙོ་བོ་ནས་ཞི་ལ་ཤཱིནྟཾ་བསྣན།། སྤྱི་ལ་སོ་སོ་རང་སྔགས་རྫོགས་པ། དྲག་པོ་ལྷོ། དབང་ནུབ། རྒྱས་པ་བྱང་། ཞི་བ་ཤར། སྤྱིར་གང་ཡང་རུང་གྲུ་གསུམ་དང་ཐོད་པ་ཁྭ
iiif viewer powered by OpenSeadragon
