| e-texts navigator |
| Wylie |
274b1 མནན་ནས་ནི།། དྲག་ཏུ་བཟླས་ཤིང་ལྕགས་ཀྱུས་དགུག། སྲོག་གི་སྙིང་པོ་མ་ནོར་བར།། གཟིར་ཞིང་དྲག་ཏུ་དྲང་བར་བྱ།། འཇིག་རྟེན་འདས་དང་འཇིག་རྟེན་པའི།། དགུག་པའི་ཐབས་ཡོད་ཅི་ཡང་རུང་།། ནེམ་ནུར
274b2 མེད་པར་དགུག་པར་བྱ།། བྱ་བ་སྣ་ཚོགས་ལས་ཟིན་ནས།། སྔར་བྱས་བུམ་པ་ལྔ་པོ་ལ།། སྨན་ལྔ་འབྲུ་ལྔ་རིན་ཆེན་ལྔ།། རིགས་ཀྱི་ཡུམ་དང་བདུད་རྩི་འཁྱིལ།། ཅི་འདོད་ལས་རྣམས་ཐམས་ཅད་དང་།། གཞན་ཡང
274b3 དགོས་པ་ཅི་ཡང་རུང་།། ཨོཾ་བཛྲ་ཨ་མྲྀ་ཏ་ཧཱུཾ། ཨ་ཨ་ཨ། ཨོཾ་མ་ཧཱ་བཛྲ་ཨ་མྲྀ་ཏ་ཕཊ། ཛ་གད་ཛ་གད་ཙ་ཞེས་ཀྱང་བརྗོད་དོ།། ཨོཾ་བུདྡྷ་ལོ་ཙ་ནི་སྭཱ་ཧཱ།། ཞེས་བཟླས་གསང་བའི་དཀྱིལ་འཁོར་དམ་པ་དང་།། ཡེ་ཤེས་ལྔ
274b4 རྫོགས་ཉིད་ལ་བརྗོད།། ཡེ་ཤེས་སྙིང་པོ་ཁྱོད་ཉོན་ཅིག། སྔོན་གོམས་བློ་བརྟན་འདྲིས་པ་ཡིས།། ཡང་ནས་ཡང་དུ་མངོན་གསལ་དུ།། བྱང་ཆུབ་མཆོག་གིས་རྟག་སྒོམས་ཤིག། དེ་ལྟར་བྱས་པའི་དངོས་གྲུབ་ནི།། འཇིག
274b5 རྟེན་འདས་དང་འཇིག་རྟེན་པའི།། བརྡ་ཕྲད་སྐད་ཀྱི་དངོས་གྲུབ་ཐོབ།། ཅེས་རྡོ་རྗེ་གསང་བའི་ཚིག་ཏུའོ།། འགྲོ་བའི་དོན་གྱི་ཕྱིར་ཡང་ཆེད་དུ་བརྗོད་དོ།། སྒྱུ་འཕྲུལ་དྲ་བ་ལས། པྲ་དབབ་པའི་མདོའི་ལེའུ་སྟེ་བཅུ་བཞི
274b6 པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཧོམ་རྣམས་ཀྱི་ཕྲིན་ལས་འདི་གསུངས་སོ།། དང་པོར་དེ་བཞིན་ཉིད་དུ་གསལ་ཞིང་འདྲིས་པ་བསྒོམ། དེ་ནས་བདག་གི་སྙིང་གར་ཨཱ
iiif viewer powered by OpenSeadragon
