| e-texts navigator |
| Wylie |
273b1 རྫོགས།། མཉམ་པའི་ཞིང་དུ་སྦྱར་བར་བྱ།། རྡོ་རྗེ་རབ་ཏུ་གསང་བ་ཡིས།། རྡོ་རྗེའི་ཁམས་ཀུན་ཞིང་སྦྱར་ཏེ།། ཨོཾ་དང་མཱཾ་དུ་འབྱོར་པར་བསྒོམ།། ཐམས་ཅད་དབྱིངས་སུ་ཐིམ་པར་བསྒོམ།། གསང་བའི་དཀྱིལ་འཁོར
273b2 དམ་པ་དང་།། ཐིག་ལེ་མན་ཏྲ་དེ་དག་ཏུ།། ནརྀ་ཐལ་མན་ཏྲ་བཟང་པོའི་ཐིག། རྟ་བབས་སྒོ་ཁྱུད་བཟང་པོ་དང་།། རྡོ་རྗེ་རྩེ་གཅིག་འོད་འབར་དང་།། འགུགས་པའི་ལྕགས་ཀྱུ་དམ་པ་ཡི།། རྡོ་རྗེ་རྩེ་གཅིག་རྩེ་གསུམ
273b3 བྲི།། དཀྱིལ་འཁོར་རྒྱུད་དང་ལྡན་པར་བྱ།། མཆོད་ཡོན་སྣ་ཚོགས་མཆོད་པར་འབུལ།། ཡཾ། དུད་ཀ་ཡེ་ཤེས་འོད་འཕྲོས་ནས།། ཨཱཿལས་ཟླ་བའི་དཀྱིལ་འཁོར་དུ།། ཛཿལས་ལྕགས་ཀྱུ་གྲངས་མེད་པས།། དེ་ཡི་སྙིང་དུ
273b4 གཞུག་པར་བྱ།། མ་ལས་ཉི་མའི་དཀྱིལ་འཁོར་དུ།། ཛཿལས་ལྕགས་ཀྱུ་མང་པོ་ཡིས།། གང་དགུག་དེ་ཡི་སྙིང་ག་ནས།། དྲངས་ཏེ་དེ་ཡི་ཁར་གཞུག་བྱ།། སྔགས་འདི་རབ་ཏུ་བརྗོད་པར་བྱ།། ཨོཾ་ཛཿཧཱུཾ་བཾ་ཧོཿ་མྲྀ་སུ་ཏྲི
273b5 པྲེ་དུ་མིང་པྲ་བེ་ཤ།། ཅི་འདོད་ལས་དེ་བཟླས་པར་བྱ།། ལག་གཉིས་སོར་མོ་ཕྱིར་བསྣོལ་ཏེ།། ཁུ་ཚུར་དམ་དུ་བཅངས་ནས་ནི།། སྲིན་ལག་མཐེའུ་ཆུང་མཐེ་བོ་གཉིས།། བར་དུ་མཐེ་བོ་དེ་དྲངས་ཏེ། ཨོཾ་མིང་པྲ་བེ་ཤ
273b6 ཨཱ་ཨཱཿ།། ཐལ་བ་ཡུངས་ཀར་དྲག་ཏུ་བརྡེག། མིང་དེ་ཁོང་དུ་གཞུག་པར་བྱ།། བབས་ནས་རྡོ་རྗེ་ལྕགས་སྒྲོག་ཞགས་པས་བཅིངས།། གང་ཡིན་ཞེས་ནི་དྲིས་ནས་ནི།། ལྷ་འདྲེ་ལ་སོགས་གང་ཡིན་པ།། ལྷ་ཞིག་ན་ནི
iiif viewer powered by OpenSeadragon
