| e-texts navigator |
| Wylie |
273a1 ཁམས་དཀྲུགས་ཏེ།། དབང་ཕྱུག་ལྷ་ཆེན་ལ་སོགས་དང་།། བང་སྣང་བགེགས་རྣམས་རྒྱུ་བ་ལས།། ནརྀ་ཚེ་རབ་ཏུ་དགུག་པར་བྱ།། འཁོར་ལོའི་འབྲུ་ལ་བསྟིམ་ནས་ནི།། དེ་ནས་ཡི་གེ་འབྲུ་ལྔ་དེ།། ནརྀ་ཡི
273a2 གནས་ལྔར་བསྟིམ་པར་བྱ།། ཨོཾ་ཨཱིཾ་བཛྲ་ཀ་བ་ཙ་བཛྲ་རཀྵ་ཧཱུཾ། ཨོཾ་སརྦ་ཏ་ཐཱ་ག་ཏ་བཛྲ་ཨ་དྷི་ཏིཥྛ་བཛྲ་སྭཱ་ཧཱ། ཕྱག་རྒྱ་སྲུང་བའི་ཆོ་ག་སྟེ།། འབྲུ་ལྔའི་ཡི་གེ་འབྲུ་གཅིག་སྟེ།། འབྲུ་གཅིག་དམིགས་མེད་དབྱིངས
273a3 སུ་ཐིམ།། ཨོཾ་ཡིད་བཞིན་བུམ་པ་རིན་པོ་ཆེ།། རྒྱན་དང་རིན་ཆེན་ཕྲེང་བས་བརྒྱན།། རིན་ཆེན་ལྔ་དང་སྨན་ལྔ་དང་།། འབྲུ་ལྔ་སྤོས་ལྔ་ཡུངས་ཀར་བཅས།། སྔགས་མཁན་རབ་བརྟན་བློ་ལྡན་པས།། ཡན་ལག་མ
273a4 ཉམས་སྔགས་བཟླས་བསྒོམ།། རྒྱན་ཆས་ལྔ་དང་ལྡན་བྱས་ནས།། དཀྱིལ་འཁོར་ཐམས་ཅད་འགྲུབ་པར་འགྱུར།། དེ་ནས་རིགས་ཀྱི་བུ་དེ་ཡིས།། ཡོ་བྱད་མ་ལུས་ལྡན་བྱས་ནས།། མཆོད་ཡོན་རྣམ་པ་སྣ་ཚོགས
273a5 ཀྱིས།། མཉེས་མཆོད་དངོས་གྲུབ་ཐོབ་པར་འགྱུར།། སྒྱུ་འཕྲུལ་དྲ་བ་ལས། ཚེའི་ཆོ་ག་དབང་དམ་པ་ཤིན་ཏུ་གསང་བའི་ལེའུ་སྟེ་བཅུ་གསུམ་པའོ།། །། དེ་ནས་དེ་བཞིན་གཤེགས་པ་རྡོ་རྗེ་སྡུད་པ་པོས་འགྲོ་བ
273a6 རང་དབང་མེད་པར་སྨྲ་བ་ཞེས་བྱ་བར་ཡང་བསྡུས་ནས།། ཆེད་དུ་བརྗོད་པ་འདི་བརྗོད་དོ།། གསང་བའི་དཀྱིལ་འཁོར་ཉིད་ཀྱི་དབྱིངས།། ཀུན་ཏུ་བཟང་པོའི་ཐུགས་རྗེའི་དང་།། སྐུ་གསུང་ཐུགས་ལྡན་ཡོན་ཏན
iiif viewer powered by OpenSeadragon
