| e-texts navigator |
| Wylie |
271a1 མཆོད་ཅིང་དབུལ།། ཡོན་ཏན་རྒྱལ་བའི་ཞིང་དང་མཉམ།། ཏཱཾ། གླུ་དང་གར་གྱིས་མཆོད་པར་བྱ།། སངས་རྒྱས་ཞིང་ཁམས་མ་ལུས་ཀུན།། མཆོད་ཡོན་རིན་ཆེན་དཔལ་འཕེལ་གྱིས།། ཕྱོགས་བཅུ་གང
271a2 བར་རྒྱས་ཕུལ་ནས།། ཐུགས་རྗེའི་དབྱིངས་ཀྱིས་རྒྱས་པར་རོལ།། ཧོ་ཏཱཾ། ང་རྒྱལ་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ་འབྱམས་ཀུན།། སྐད་ཅིག་ཡུད་ལ་རྒྱས་མཛད་དེ།། རྒྱས་པར་མ་གྱུར་གང་ཡང
271a3 མེད།། ཏཱཾ། སྒྱུ་འཕྲུལ་དྲ་བ་ལས། རྒྱལ་པོ་རྒྱས་མཛད་ཀྱི་རྒྱས་པའི་ཧོམ་གྱི་ལེའུ་སྟེ་བཅུ་གཅིག་པའོ།། །། དེ་ནས་དེ་བཞིན་གཤེགས་པ་སྣང་མཛད་ཁྲོ་བོ་ཆེན་པོས་ཐམས་ཅད་ཀྱི་དཀྱིལ་འཁོར་འབར་བ་ཆེན
271a4 པོར་བསྒྱུར་ནས་ཆེད་དུ་བརྗོད་པ་འདི་བརྗོད་དོ།། ཡེ་ཤེས་དཀྱིལ་འཁོར་མཐའ་དབུས་མེད།། བསམ་ཡས་ལྷུན་གྱིས་གྲུབ་པ་ནི།། རྒྱལ་བའི་དཀྱིལ་འཁོར་མ་ལུས་ཀུན།། བདེ་གཤེགས་ཉིད་ལས་མི་གཞན
271a5 ཤར།། ཨོཾ་དཀྱིལ་འཁོར་ཟླུམ་པོ་འབར་བ་ལས།། འཁོར་ལོ་འབར་བས་རབ་བསྐོར་ཞིང་།། འོད་ནི་སེར་པོར་འོད་དུ་འབར།། རྨད་དུ་བྱུང་བའི་སྐུ་ལ་སོགས།། བདག་ཉིད་ཆེན་པོས་བསྒོམ་པར་བྱ།། དཀྱིལ
271a6 འཁོར་ཐམས་ཅད་འགྲུབ་པར་འགྱུར།། ས་བོན་ཡི་གེ་ཨོཾ་སེར་ཏེ།། མེ་ལྷ་སྤྱན་དྲངས་སྔ་མ་བཞིན།། ཁྲོ་བོའི་དཀྱིལ་འཁོར་མ་ལུས་རྣམས།། ཀུན་ཀྱང་རྡོ་རྗེ་གཏི་མུག་སྟེ།། འོད་ཟེར་སྣ་ཚོགས་འཕྲོ་བ་དང་།། འཁོར་ལོ
iiif viewer powered by OpenSeadragon
