| e-texts navigator |
| Wylie |
270b1 དབྱིངས་ནས་ཕྱུང་སྟེ་ཆེད་དུ་བརྗོད་པ་འདི་བརྗོད་དོ།། བདེ་བ་ཆེན་པོའི་དཀྱིལ་འཁོར་འབར།། འོད་ཟེར་འཕྲོ་བ་མང་པོ་འཁྲུགས།། བསོད་ནམས་ཞིང་འགྱུར་མཆོག་ཏུ་འབར།། ཕྱོགས་བཅུའི་ནམ་མཁའ་གང་བར
270b2 བསྒོམ།། རྡོ་རྗེ་རིན་པོ་ཆེ་ཡིས་བསྐོར།། རྒྱལ་བའི་ཡོན་ཏན་མཁའ་དང་མཉམ།། ཏཱཾ་ཡེ་ཤེས་ཕྱོགས་བཞི་དབུས་འོད་འབར།། དཀྱིལ་འཁོར་ཞགས་པ་རིན་ཆེན་བསྐོར།། གཞན་ཡང་ཕྱག་རྒྱ་སྣ་ཚོགས་དང་།། ཁྲོ་བོ
270b3 ཀུན་ཀྱང་དགའ་འཕྲོ་སྟེ།། འོད་ཆེན་དཀར་པོ་འབར་བ་དང་།། ཕྱག་རྒྱ་སྣ་ཚོགས་ཅིར་ཡང་བསྒྱུར།། ལྷ་དང་ལྷ་མོ་རྣམས་ཀྱིས་བསྐོར།། མཆོད་པའི་ཡོ་བྱད་སྣ་ཚོགས་དང་།། དཀར་ལ་དྲི་ཞིམ་ཤིང་རྣམས
270b4 དང་།། གཞན་ཡང་མཆོད་ཡོན་ཐམས་ཅད་ཀྱིས།། དཀྱིལ་འཁོར་ལ་ནི་རྒྱས་པར་དབུལ།། བདག་ཉིད་རིན་ཆེན་རབ་འབར་ནས།། ཏཱཾ།། དཀར་ལ་ཡི་གེ་འོད་དུ་འབར།། ཁྲོ་བོ་ཀུན་ཀྱང་དེ་བཞིན་ཏེ།། མངོན་དུ་གྱུར
270b5 པའི་དཀྱིལ་འཁོར་དུ།། པཱ་ཤ་ཧོཿདང་ཛཿཧཱུཾ་གིས།། ཕྱོགས་བཅུའི་ལམ་ལྔ་ཀུན་བཀུག་སྟེ།། དབྱིངས་སུ་ཐིམ་པར་འོད་འཕྲོ་བསྒོམ།། ཐམས་ཅད་སངས་རྒྱས་ཞིང་དང་མཉམ།། གཞན་ནས་ཡོད་འོངས་མ་ཡིན་ཏེ།། སྒྱུ
270b6 མའི་ཡེ་ཤེས་བརྟན་པ་ཡིན།། གཞན་ཡང་དཀྱིལ་འཁོར་བསམ་ཡས་ནི།། རིན་ཆེན་དབྱིངས་ལ་རྡོ་རྗེ་འབར།། དཀྱིལ་འཁོར་རྒྱན་གྱིས་འཁོར་བར་བསྐོར།། གཞན་ཡང་ལྷ་དང་ལྷ་མོ་ཡིས།། ཕྱོགས་བཅུ་ཁྱབ་པར
iiif viewer powered by OpenSeadragon
