| e-texts navigator |
| Wylie |
270a1 པདྨ་ལྗོན་ཤིང་དང་།། བར་མ་རྡོ་རྗེ་འོད་འབར་བསྐོར།། གཞན་ཡང་རྒྱན་མཆོག་མཛེས་པ་ཡིས།། དཀྱིལ་འཁོར་ཀུན་ལ་མཛེས་པར་བརྒྱན།། བདག་ཉིད་པདྨའི་ལྷར་གྱུར་པས།། མཆོད་པའི་ལྷ་རྫས
270a2 སྣ་ཚོགས་དང་།། ཞལ་ཟས་བཟའ་བཏུང་མཆོག་རྣམས་དང་།། དམར་པོའི་ཤིང་དང་དྲི་ཞིམ་པ།། ལན་གྲངས་གོང་དུ་སྨོས་པ་བཞིན།། རྟག་ཏུ་མཆོད་པ་བྱས་ན་ནི།། འཇིག་རྟེན་འདི་དང་འདས་པ་ཡི།། ཅི་འདོད་ལས
270a3 དེ་འགྲུབ་པར་འགྱུར།། སྔགས་ནི་ཡི་གེ་རཾ་དང་ཧྲཱིཿ།། མདོག་ནི་དམར་སྨུག་འོད་པོ་ཆེ།། ཕྱོགས་བཅུར་ཁྱབ་ཅིང་ཧྲཱིཿལ་བསྡུ།། དགྱེས་པའི་གླུ་དང་གར་གྱིས་མཆོད།། ཧྲཱིཿརྡོ་རྗེ་པདྨ་འབར་བ་ཡིས།། ཕྱོགས་བཅུ་མཐའ
270a4 ཀླས་རབ་འབྱམས་ཀུན།། དཔལ་དང་གཟི་བྱིན་ཆེ་ལ་སོགས།། པདྨ་འབར་བས་དེ་བསྡུས་ནས།། སངས་རྒྱས་སྐུ་དང་མཉམ་པ་དང་།། གཞན་ཡང་ལོངས་སྤྱོད་མཆོག་ལ་སོགས།། ཅི་འདོད་ལས་རྣམས་དབང་དུ
270a5 འགྱུར།། ལྷ་སྲིན་ལ་སོགས་སྨོས་ཅི་དགོས།། ཧྲཱིཿའདོད་ཆགས་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ་འབྱམས་ཀུན།། སྐད་ཅིག་ཉིད་ལ་དབང་དུ་བསྡུས།། དབང་དུ་མ་གྱུར་གང་ཡང་མེད།། ཧྲཱིཿསྒྱུ
270a6 འཕྲུལ་དྲ་བ་ལས། ཐམས་ཅད་མ་ལུས་དབང་དུ་བསྡུས་ཏེ། དབང་གི་ཧོམ་གྱི་ལེའུ་སྟེ་བཅུ་པའོ།། །། དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་རྣམ་པར་འཕྲོ་བ་ཞེས་བྱ་བའི་དཀྱིལ་འཁོར་འདི་དག་ཉིད་ཀྱི
iiif viewer powered by OpenSeadragon
