| e-texts navigator |
| Wylie |
269b1 ཀུན།། སྐད་ཅིག་ཡུད་ལ་བརླག་མཛད་དེ།། བརླག་པར་མ་གྱུར་གང་ཡང་མེད།། ཧཱུཾ། སྒྱུ་འཕྲུལ་དྲ་བ་ལས། དྲག་པོ་ཧོམ་གྱི་ལེའུ་སྟེ་དགུ་པའོ།། །། དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་པདྨ་བསྡུས་པ
269b2 ཞེས་བྱ་བས། འགྲོ་བ་མང་པོའི་དོན་གྱི་ཕྱིར།། ཆེད་དུ་བརྗོད་པ་འདི་བརྗོད་དོ།། ཤེས་རབ་ཐབས་སུ་སྦྱོར་བ་ཡིས།། ཐམས་ཅད་མ་ལུས་དབྱིངས་སུ་བསྡུས།། དབྱིངས་ནས་ཡེ་ཤེས་འོད་འཕྲོ་འབར།། ཐམས་ཅད་མ
269b3 ལུས་དབྱིངས་སུ་སྦྱོར།། ཧྲཱིཿདཀྱིལ་འཁོར་ཟླ་གམ་གདེངས་པ་ལས།། འོད་ཟེར་མང་པོ་རབ་འབར་དང་།། རྡོ་རྗེ་ལྕགས་སྒྲོག་བསྡམས་པས་བསྐོར།། གཞན་ཡང་རྒྱན་གྱི་དམ་པ་མཆོག། ཀུན་གྱིས་དེ་ལ་བརྒྱན་ཅིང
269b4 བསྐོར།། མེ་ལྷ་སྤྱན་དྲངས་སྔ་མ་བཞིན།། ཁྲོ་བོའི་དཀྱིལ་འཁོར་མ་ལུས་ཀུན།། པདྨའི་རིགས་ཀྱི་ཁྲོ་བོ་བསྒོམ།། དམར་སྨུག་དྲག་པོའི་མདོག་དང་ནི།། གཞན་ཡང་སྤྲུལ་པ་མང་པོ་ཡིས།། ཕྱོགས་བཞི་མཚམས་བཞི
269b5 སྟེང་འོག་བསྐོར།། རྔམ་པའི་རང་སྔགས་དྲག་ཏུ་སྒྲོགས།། ཧྲཱིཿ། བདག་ཉིད་མ་ཆགས་རྡོ་རྗེ་སྟེ།། དཀྱིལ་འཁོར་གོང་མ་གསལ་བསྒོམས་ནས།། ཕྱོགས་བཅུའི་འགྲོ་བ་ཐམས་ཅད་དང་།། གདུག་པའི་ཡིད་ཅན་མ་ལུས
269b6 ཀུན།། ཛཿཧཱུཾ་བཾ་ཧོཿས་བཀུག་ནས་སུ།། དཀྱིལ་འཁོར་ལ་ནི་དབུལ་བར་བྱ།། དགོས་པ་འགྲུབ་ཅིང་ངན་སོང་སྦྱང་།། ཧྲཱིཿ། གཞན་ཡང་དཀྱིལ་འཁོར་མང་པོའི་ཚོགས།། དཀྱིལ་འཁོར་པདྨའི་ཞལ་འདྲ་བར།། མཐའ་མ
iiif viewer powered by OpenSeadragon
