| e-texts navigator |
| Wylie |
267b1 པོས་བལྟར་ཡོད་པར།། རིལ་བུར་བསྡུས་ནས་དབྱིངས་སུ་མཆོད།། ཐེ་ཚོམ་མེད་པར་འགྲུབ་པར་ངེས།། དམ་པའི་ཆོས་འཇིག་མ་རུངས་པ།། དཔའ་བོས་དགོས་པ་ཡོད་པའི་ཕྱིར། ཀུན་ལ་ཕན་པ་དེ་གྱིས་ཤིག། ཧོ།།
267b2 ཧཱུཾ་ཛ་ཕཊ་དང་སྒོ་ལ་སོགས།། འདྲེན་པའི་མཆོག་ཏུ་དེ་གསུངས་སོ།། མཚན་མ་མིང་དུ་བསྡུས་པ་ཡང་།། ཇི་ལྟར་སྔོན་གྱི་དེ་བཞིན་དུ།། སྨོན་པའི་བྱང་ཆུབ་ལམ་དུ་གཞུག། མཚན་མའི་བག་ཆགས་མེད་པར
267b3 བྱ།། དབྱིངས་ནས་སྤྲོས་ཤིང་ཨ་ལ་ཐིམ།། ཨ་ཧེ།། ཐུགས་ཉིད་ལ་ནི་ཐུགས་བརྗོད་དོ།། སྒྱུ་འཕྲུལ་དྲ་བ་ལས། ཤིན་ཏུ་གསང་བའི་ཁྲོ་བོ་ཉེ་བར་སྒྲུབ་པའི་ལེའུ་སྟེ་བདུན་པའོ།། །། དེ་ནས་དེ་བཞིན་གཤེགས
267b4 པ་མ་ལུས་པ་ཐམས་ཅད་ཀྱི་རྒྱལ་པོས་འབར་བའི་ཐུགས་རྗེས་གཏུམ་འཁྲུགས་གིང་ཚོགས་ཆེན་པོར་བསྒྱུར་ནས། ཐམས་ཅད་འོད་དཔུང་འཕྲོ་ཞིང་འབར་བར་བསྟན་པ་ཆེད་དུ་བརྗོད་པ་འདི་བརྗོད་དོ།། སྒྱུ་འཕྲུལ་དྲ
267b5 བ་བསྟན་པ་ཡི།། ཕྱོགས་བཅུའི་ཞིང་ཁམས་མ་ལུས་པར།། བྷྲཱུཾ་དང་ཙཀྲའི་འཁོར་ལོར་སྤྲུལ།། འོད་འཕྲོ་འབར་བའི་ཚོགས་ཆེན་ཧཱུཾ།། གཏུམ་ཆེན་དུས་མཐའི་མེ་ལྟར་འབར།། རཾ། ཉི་མའི་ཐོད་སྦྲུལ་མང་པོའི
267b6 གཟི།། ཁྲོ་གཉེར་གློག་སྟོང་འགྱུ་བ་བཞིན།། རྔམ་པའི་ང་རོ་འབྲུག་སྟོང་ལྡིར།། ཕཊ། ཁྲོས་པའི་སྤྲིན་ཆེན་ཕྱོགས་བཅུར་འབར།། རཾ། ཁྲོས་པའི་མེ་དཔུང་རྡོ་རྗེ་འབར།། རྡོ་རྗེ་འཁོར་ལོ་བརྩེགས་པར་འབར།། ཙཀྲ།
iiif viewer powered by OpenSeadragon
