| e-texts navigator |
| Wylie |
267a1 གྱུར་པ་དང་། རང་རིག་པའི་ཡེ་ཤེས་ཀྱི་མེས་སྦྱོར་བའི་ལེའུ་སྟེ་དྲུག་པའོ།། །། དེ་ནས་དེ་བཞིན་གཤེགས་པ་ཁྲ་བོའི་རྒྱལ་པོས་སྒྱུ་འཕྲུལ་དྲ་བ་བསྟན་པ་ལས། ཁྲོ་བོ་རྔམས་པའི་ཚོགས་སུ་བྱས་ནས།
267a2 ཆེད་དུ་བརྗོད་པ་འདི་བརྗོད་དོ།། བྱང་ཆུབ་མཆོག་གི་སྙིང་པོ་ནི།། མཚན་མས་བཙལ་བ་མ་ཡིན་གྱི། དག་པ་རྣམ་གསུམ་མ་ནོར་ཞིང་།། རང་རིག་རྒྱལ་པོ་གོམས་པ་ཡིས།། བྱང་ཆུབ་མཆོག་འདི་རྙེད་པར
267a3 འགྱུར།། དྲག་པོ་གཏུམ་པོ་བསྒྲུབ་པ་ནི། བྷ་ག་ལ་ནི་ལིང་ག་བཞག། མཚན་མ་མིང་དུ་བཅས་པར་བྱ།། ཁྲོ་བོའི་ཞལ་ནི་གང་ཡང་རུང་།། ལན་གསུམ་ལན་བདུན་རྟག་བསྒོམ་ཞིང་།། མངོན་དུ་བྱུང་བའི་ཞལ་འབར
267a4 དེ།། བདག་ཉིད་དཀྱིལ་འཁོར་ལྷར་གྱུར་ནས།། ལིང་ག་ཡང་ནས་ཡང་བསྡུས་ཏེ།། དབྱིངས་ཀྱི་དཀྱིལ་དུ་བསྟིམ་པར་བྱ།། ཧཱུཾ་གིས་བསྡུ་ཞིང་ཕཊ་ཀྱིས་འཕང་།། ཞལ་གྱི་རང་སྔགས་ཁྲི་འབུམ་དུ།། རྣམ་གསུམ་ཚུལ
267a5 གྱིས་བཟླས་ནས་སུ།། ཡང་ནས་ཡང་དུ་གསལ་བར་བྱ།། འགྲོ་ལྔ་སེམས་ཅན་ཐམས་ཅད་དུ་ཀུན།། དབང་མེད་ཞལ་དུ་ཐིམ་པར་འགྱུར།། ས་མ་ཡ་ཡང་ལྷག་པར་འཇིབས།། སྐུ་མདོག་དུད་ཀ་ལ་སོགས་དང་།། མཆེ
267a6 གཙིགས་ཁྲོ་གཉེར་གཙིགས་པ་དང་།། ཞལ་བགྲད་ཕྱག་རྒྱ་འབར་བ་དང་།། གང་ལ་གོམས་པར་བསྒོམ་པར་བྱ།། བདག་ཉིད་འཛིན་པའི་ཕྱག་རྒྱ་སྟེ།། མཚན་མ་བཟུང་ནས་རང་སྔགས་གདོན།། མངོན་པར་དབང
iiif viewer powered by OpenSeadragon
