| e-texts navigator |
| Wylie |
266b1 མཁའ་དཀྱིལ་དངས་པ་ཡི།། ཡིད་བཞིན་སྤྲིན་ཚོགས་རྣམས་འབྱུང་བ།། སྣ་ཚོགས་འབྱུང་ཞིང་འོད་འཕྲོ་འབར།། རཾ། སྲིད་གསུམ་སྲེག་པའི་མེ་ཡིན་ཏེ།། ཡིད་ཀྱི་ཡེ་ཤེས་མེ་རུ་འབར།། ཧཾ། དབང་པོ་དང་བའི་དཀྱིལ
266b2 འཁོར་དུ།། སྤྱོད་ཡུལ་རྫས་རྣམས་བསྡུས་ནས་ནི།། ལྷན་ནེ་ལྷང་ངེར་འོད་དུ་ཞུ།། ཨ། ཞི་འགྱུར་དབྱིངས་ནས་ཕྱག་རྒྱ་འབར།། ཐུགས་རྗེའི་བྱིན་རླབས་རྨད་པོ་ཆེ།། ཧཱུཾ་འགྲོ་དྲུག་སྣ་ཚོགས་དོན་བྱེད་པའི།། འདི་ནི་བྱང
266b3 ཆུབ་མཆོག་ཏུ་གསུངས།། ཧོ་བཞི་པོ་འཇོམས་ཤིང་ངན་སོང་སྦྱོང་།། ཏྲ་ཐཱ། སྨན་བཅུད་ལེན་གྱིས་དུག་སྦྱང་བཞིན།། ཕྱི་དང་ནང་གི་དྲི་མ་དག། བདག་མེད་གཉིས་ཀྱིས་འདག་པར་བྱེད།། ཧྲཱི་བསལ་ཞིང་གཞག་པར་བྱ།
266b4 བ་མེད།། ཉི་མ་ཤར་བའི་འོད་བཞིན་དུ།། སྣང་དང་མི་སྣང་གཉིས་ཀ་མེད།། དེ་བཞིན་མཉམ་ཉིད་ཡེ་ཤེས་ཀྱིས།། ཐམས་ཅད་རྒྱལ་བའི་ཞིང་དུ་སྦྱོར།། ཨོཾ་རང་རིག་ཡེ་ཤེས་རྒྱལ་པོ་ཡིས།། ཕྱོགས་བཅུའི་ཁམས
266b5 རྣམས་དབང་བསྡུས་ནས།། ཐམས་ཅད་མི་དམིགས་དབྱིངས་སུ་ཐིམ།། ཐམས་ཅད་ཁྲོ་བོའི་ཚོགས་སུ་གྱུར།། རྟོག་པ་རྣམ་བཞི་མི་དམིགས་དབྱིངས་གྱུར་པ།། ཤེས་རབ་ཡུམ་གྱི་མཚན་ཉིད་དབྱིངས་སུ་ཐིམ།། ཐབས
266b6 དང་ཤེས་རབ་གཉིས་མེད་དབྱིངས་གྱུར་པས།། ཆོས་རྣམས་ཐམས་ཅད་དབྱིངས་ཀྱི་ཁྲོ་བོ་ཁྲོ་མོར་གྱུར།། ཨ་ཧོ།། རྡོ་རྗེ་གསང་བའི་ཚིག་ཏུའོ།། སྒྱུ་འཕྲུལ་དྲ་བ་ལས་ཆོས་ཐམས་ཅད་ཁྲོ་བོ་དང་ཁྲོ་མོའི་རང་བཞིན་དུ
iiif viewer powered by OpenSeadragon
