| e-texts navigator |
| Wylie |
265a1 ན།། དངོས་མེད་མི་སྡུག་སྣ་ཚོགས་སྣང་བར་འགྱུར།། ཡང་དག་ཤེས་པའི་རང་རིག་བློ་མེད་ན།། བདེ་གཤེགས་ཞིང་ཡང་ངན་སོང་གནས་སུ་མཐོང་།། ཐེག་མཆོག་མཉམ་པའི་དོན་ཉིད་རྟོགས་པ
265a2 ན།། ངན་སོང་གནས་ཉིད་འོག་མིན་དགའ་ལྡན་གནས།། ནམ་མཁའི་དབྱིངས་ཉིད་གཏོས་ནི་བསམ་ཡས་པར།། ཉི་ཟླ་གཟའ་སྐར་མཚན་མ་གློག་འགྱུ་དང་།། འཇའ་ཚོན་སྤྲིན་མང་སྣ་ཚོགས་འཁྲུགས་གྱུར
265a3 ཀྱང་།། ནམ་མཁའི་དབྱིངས་ལ་འགྱུར་ཞིང་ཉམས་པ་མེད།། མི་དམིགས་ཆོས་ཀྱི་དབྱིངས་ནི་བསམ་ཡས་པར།། སྐུ་གསུང་ཡོན་ཏན་ཕྲིན་ལས་རྨད་བྱུང་དང་།། འཇིག་རྟེན་གཙོ་མཆོག་མ་ལུས་ཐམས་ཅད
265a4 དང་།། འཁྲུལ་འཁོར་སྡུག་བསྔལ་སྣ་ཚོགས་རྣམ་མང་ཡང་།། དེ་བཞིན་ཉིད་ལ་འཕེལ་ཞིང་བྲི་བ་མེད།། ཅེས་རྡོ་རྗེ་གསང་བའི་ཚིག་ཏུའོ།། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས། ཐམས་ཅད་ལ་ཆོས་ཉིད་ཀྱི་རྒྱུ་ཡོད་པ
265a5 དང་།། རིགས་རྒྱུད་ཆད་པ་དང་།། རིགས་བརྒྱད་སོ་སོར་དབྱེ་བའི་མདོར་བཤད་པའི་ལེའུ་སྟེ་བཞི་པའོ།། །། དེ་ནས་དེ་བཞིན་གཤེགས་པ་ཐམས་ཅད་མཉམ་པ་ཉིད་ལ་བཞུགས་ནས། འཁོར་བསམ་གྱིས་མི
265a6 ཁྱབ་པ་ཐམས་ཅད་ཀྱང་།། ཉིད་ལ་ཉིད་མཉེས་པར་མཆོད་ཅིང་།། ཀུན་ཏུ་བཟང་པོ་དགྱེས་ཏེ། ཕྱོགས་བཅུ་དུས་བཞི་མ་ལུས་པ་ཐམས་ཅད་ཀྱི་བཞུགས་གནས་གཞལ་ཡས་ཁང་རིན་པོ་ཆེ་སྣ་ཚོགས་བསམ་གྱིས་མི
iiif viewer powered by OpenSeadragon
