| e-texts navigator |
| Wylie |
263b1 འཇུག། ཡེ་ཤེས་ལྔ་རྫོགས་སྤྱོད་ཡུལ་མཎྜ་ལ།། མ་ཆགས་འོད་གསལ་དཀྱིལ་འཁོར་རྫོགས་པར་ལྡན།། ཐམས་ཅད་མ་ལུས་རང་རིག་རྒྱལ་པོ་ཡིས།། དཀྱིལ་འཁོར་དག་མཉམ་ཁྲོ་བོ་ཁྲོ་མོར་སྦྱོར།། ཆོས་རྣམས་རང
263b2 བཞིན་ཉིད་ཀྱིས་སྟོང་།། ནང་དང་ནང་གི་ཕྱི་རོལ་གྱི།། རྣམ་རྟོག་སྣ་ཚོགས་འཛིན་པ་ཡང་།། དངོས་པོ་མེད་དབྱིངས་སྐད་ཅིག་མ།། དེ་ཉིད་རྣམ་པར་དག་པའི་ལམ།། ཕྱིན་ཅི་ལོག་ཉིད་ཡང་དག་སྟེ།། མ་རིག་པ་ནི་ཡེ
263b3 ཤེས་གསལ།། ཉོན་མོངས་སྡུག་བསྔལ་བྱང་ཆུབ་མཆོག། ཐམས་ཅད་ཡོན་ཏན་མཆོག་གི་གནས།། ཨ་ཧོ།། ཕྱོགས་བཅུའི་རྒྱལ་བའི་དཀྱིལ་འཁོར་མ་ལུས་ཀུན།། ངེས་པའི་དོན་བཀྲོལ་བཞི་བཅུ་རྩ་ལྔར
263b4 བསྡུས།། བསྡུས་པའི་དོན་ཉིད་ཡི་གེ་འབྲུ་ལྔར་བསྡུས།། ལྔ་པོའི་དོན་ཉིད་འབྲུ་གསུམ་ནང་དུ་འདུས།། གསུམ་པོ་དེ་ཉིད་ཡི་གེ་ཨར་འདུས་ཏེ།། ཨ་ཉིད་མ་སྐྱེས་མཉམ་རྫོགས་དབྱིངས་སུ་ཐིམ།། ཨ་ཧོ།། མི་དམིགས
263b5 སྟོང་པ་ཉིད་ཀྱང་བརྗོད་མི་ལང་།། མི་དམིགས་དེ་བཞིན་ཉིད་ཀྱང་བསམ་མི་ཁྱབ།། མ་སྐྱེས་ཆོས་ཀྱི་དབྱིངས་ཀྱང་བསམ་མི་ཁྱབ།། མ་འགགས་བྱང་ཆུབ་སེམས་ནི་སྐྱེ་འཇིག་མེད།། འགྲོ་མེད་འོང་མེད
263b6 མི་གནས་པའི།། ཐུགས་རྗེའི་བྱིན་རླབས་རྣམ་པར་འཕྲོ།། ཞེས་ཉིད་ལ་ཉིད་གསུངས་སོ།། དབྱིངས་ལས་དབྱིངས་བྱུང་ཐབས་ཀྱི་ཕྱག་རྒྱར་གསལ།། ཐབས་ལས་དབྱིངས་བྱུང་ཡུམ་གྱི་ཕྱག་རྒྱར་གསལ།། དབྱིངས
iiif viewer powered by OpenSeadragon
