| e-texts navigator |
| Wylie |
263a1 ཆུབ་སྟེ།། ཨོཾ་དང་མཱཾ་དུ་འབྲེལ་དྲ་ཡིས།། བྱང་ཆུབ་རྡོ་རྗེ་དྲིལ་ལས་བྱུང་།། སྤྱིར་ནི་བརྗོད་པ་ཐམས་ཅད་ཀྱང་།། ཀུན་ཀྱང་མིང་ཙམ་ཡི་གེ་ཨ།། སྐྱེ་འཇིག་ཉིད་ཀྱང་ཡི་གེ་ལྔ།། དེ་ནི་བྱང་ཆུབ་སེམས་ཡིན
263a2 ཏེ།། གཉིས་མེད་བྱང་ཆུབ་མཆོག་འབྱུང་བ།། གསུམ་ཤར་ལྔ་འབར་བཅུ་འབྱོར་བ།། ཟད་མེད་རིན་ཆེན་གཏེར་ཡིན་ཏེ།། མངོན་ཤེས་དྲུག་ལྡན་མཚན་བཟང་སྤགས།། ཨེ་ལས་འཕྲོས་ཤིང་ཨར་འདུས་པ།། གསང
263a3 བའི་ཐིག་ལེ་ཉིད་ཀྱི་དབྱིངས།། ནམ་མཁའི་དབྱིངས་ནས་སྤྲིན་བྱུང་བ།། ཀུན་ལ་ཁྱབ་ཅིང་སྣ་ཚོགས་སྨིན།། བཞི་བཅུ་རྩ་ལྔའི་ཁོངས་ནས་བསམ་མི་ཁྱབ།། བྱིན་རླབས་ཡ་མཚན་རྨད་པོ་ཆེ།། ཡོན་ཏན་མི་ཟད་གཏེར
263a4 དུ་འབྱུང་།། ཧོཿ། ཡེ་ནས་མཉམ་ཉིད་གསང་བའི་དཀྱིལ་འཁོར་དབྱིངས།། དབྱིངས་ལས་མི་གཞན་ཡེ་ནས་ཐིག་ལེའི་ངང་།། ཡེ་ཤེས་དབྱིངས་ཉིད་གཟུགས་བརྙན་སྒྱུ་མའི་ཚུལ།། སྣང་བྱེད་ཉིད་ན་བྱ་བྱེད་མེད་པར
263a5 གནས།། ཡེ་ཤེས་འཕྲུལ་ཆེན་བཞི་བཅུ་རྩ་ལྔའི་དོན།། དཀྱིལ་འཁོར་བསམ་ཡས་ལྷུན་གྲུབ་དམ་པ་ནི།། ཐབས་དང་ཤེས་རབ་གཉིས་མེད་མཉམ་པར་གནས།། དག་མཉམ་རྣམ་གསུམ་དོན་རྟོགས་བསྒོམ་བྱས
263a6 ཤིང་།། མཉམ་པ་རྣམ་བཞིའི་དོན་རྟོགས་མཆོག་གི་གནས།། རྒྱུ་འབྲས་ལྷུན་གྲུབ་ཕུན་སུམ་ཚོགས་བཞིར་འདུས།། ཡེ་ཤེས་ལྔ་རྫོགས་སྐུ་གསུང་ཐུགས་ཀྱིས་བསྡུས།། ཆགས་མེད་ཞི་བའི་ལམ་ནས་ཐིག་ལེར
iiif viewer powered by OpenSeadragon
