| e-texts navigator |
| Wylie |
262b1 འཁོར་བསམ་ཡས་ལྷུན་གྲུབ་དང་།། རྒྱ་དང་བྲལ་བའི་གཞལ་ཡས་ཀྱིས།། ཀུན་ལ་ཁྱབ་ཅིང་མི་གནས་པ།། ཡོན་ཏན་མཆོག་གི་གནས་ཡིན་ཏེ།། མ་བཅོས་རྒྱུན་གྱི་སྐད་ཅིག་མ།། དེ་ཡིས་མ་ཟིན་གང་ཡང་མེད།། རང
262b2 གི་རྣམ་རྟོག་མ་ཡིན་པ།། ཡང་དག་གཤེགས་དང་ལོག་རྟོག་དང་།། གཞན་ཡང་སྤྲུལ་པ་མང་པོའི་ཚོགས།། ཕྱོགས་བཅུ་མ་ལུས་ཐམས་ཅད་ཀྱིས།། དེ་ལ་གསད་ཅིང་གཟུང་དུ་མེད།། ཁ་དོག་དབྱིབས་དང་གནས་མ
262b3 ཡིན།། སྐྱེས་བུ་དམ་པ་མཆོག་འདོད་པས།། དེ་ལ་རྟག་འགྲུས་གསལ་བར་གྱིས།། དེ་ཡི་འབྲས་བུ་མཐར་ཕྱིན་ནི།། རྒྱུ་འབྲས་མེད་པའི་དུས་གཅིག་སྟེ།། ཐམས་ཅད་མིང་གི་མཚན་ཉིད་དུ།། ཡི་གེ་འབྲུ་གསུམ་རྫོགས
262b4 པར་འགྱུར།། མི་ཟད་རྒྱན་གྱི་འཁོར་ལོས་བསྡུས།། རྫོགས་ཆེན་གཉིས་ཀྱང་རྫོགས་པར་རོལ།། སྐྱེ་འཇིག་མེད་པའི་དབྱིངས་ལ་ཞུགས།། འཇིག་རྟེན་འདས་དང་འཇིག་རྟེན་པའི།། མཐའ་ཡས་དཀྱིལ་འཁོར་བསམ
262b5 ཡས་ཀུན།། རྒྱལ་བ་ཡུམ་གྱི་དབྱིངས་སུ་ཐིམ།། ཐམས་ཅད་མ་ལུས་ཆོས་སྐུར་འདུས།། ཧོཿ། ཆོས་ཐམས་ཅད་མིང་གི་མཚན་ཉིད་དོ།། སྒྱུ་འཕྲུལ་དྲ་བ་ལས་ཡུམ་གྱི་དབྱིངས་སུ་འདུས་པ་ཤིན་ཏུ་གསང་བའི་ལེའུ་སྟེ
262b6 གཉིས་པའོ།། །། དེ་ནས་དེ་བཞིན་གཤེགས་པ་ཡེ་ཤེས་ལྔའི་དཀྱིལ་འཁོར་ལ་མཉམ་པར་ཞུགས་ནས། ཆེད་དུ་བརྗོད་པ་འདི་བརྗོད་དོ།། ལྔ་ཕུང་ཡན་ལག་ཐམས་ཅད་ཀྱང་།། འབྲུ་ལྔར་གནས་པའི་བྱང
iiif viewer powered by OpenSeadragon
