| e-texts navigator |
| Wylie |
261a1 འཁོར་ལོ་ཞེས་བྱ་བའི་ལེའུ་སྟེ་ཞེ་གཅིག་པའོ།། །། གསང་བའི་ཕྲེང་བ་ཕྲིན་ལས་ཀྱི་རྒུད་བཞི་བཅུ་པ་རྫོགས་སོ།། ། འདི་སྒྱུ་འཕྲུལ་ལ་ལྷག་ཡིན། འདི་སྐད་བཤད་པའི་དུས་ན།།
261a2 ནས་དེ་བཞིན་གཤེགས་པ་དགྱེས་པ་ཆེན་པོས།། མཉམ་པའི་དཀྱིལ་འཁོར་ལ་བཞུགས་ནས།། ཉིད་ཀྱི་སྐུ་ལ་ཐམས་ཅད་མ་ལུས་པར་འདུས་པར་བསྟན་ཏེ།། ཆེད་དུ་བརྗོད་པ་འདི་བརྗོད་དོ།། འདས་དང་ད་ལྟར་མ
261a3 འོངས་དང་།། འབྱུང་བར་མ་ངེས་དུས་འདི་དག། སྔ་ཕྱི་མེད་པར་མཉམ་ཡིན་པར།། ངེས་པ་མེད་པར་ཡང་དག་གསུངས།། འཇིག་རྟེན་འདས་དང་འཇིག་རྟེན་པའི།། རང་དང་སྤྱི་རུ་བསྟན་པ་དང་།། ཇི་སྙེད་བརྟན
261a4 གཡོ་ལ་སོགས་པ།། སྒྱུ་མ་མིག་ཡོར་ཚུལ་ཡིན་ཏེ།། སྐྱེས་བུ་བློ་རྩལ་རབ་ལྡན་པས།། དེ་ལ་རྟག་ཏུ་མཉམ་སྦྱོར་ཞིང་།། སེམས་ཅན་ཀུན་གྱི་གཞིར་གྱུར་པ།། དེ་དང་གཉིས་མེ་དབྱིངས་སུ་སྦྱོར།། ཐམས་ཅད་ཐབས་ཀྱི
261a5 མཚན་ཉིད་དེ།། ཐབས་ལ་ཐབས་ནི་རྣམ་པར་སྦྱོར།། ཐབས་ཆེན་ཐབས་ལས་བྱུང་བ་ཡི།། དེ་ནི་བྱང་ཆུབ་རྡོ་རྗེ་མཆོག། ཇི་སྙེད་བརྗོད་པའི་ཁ་བརྒྱུད་ཀྱང་།། ཡང་དག་དོན་གྱི་སྙིང་པོ་ནི།། གང་ནས་བཙལ་ཀྱང་མི
261a6 རྙེད་དེ།། རང་རིག་སྒྲིབ་མེད་དག་པ་ཡིན།། དེ་ལ་རྟག་འགྲུས་གོམས་པ་ནི།། བསྙེན་པའི་དམ་པ་དེ་ཡིན་ཏེ།། དེ་ནི་མ་ནོར་ལམ་ཡིན་པར།། ཨ་ཡིས་བོ་དྷི་རབ་ཏུ་བསྡུས།། དེ་བཞིན་ཉིད་ཀྱི་དབྱིངས་ཉིད་ནི།། གཅིག
iiif viewer powered by OpenSeadragon
