| e-texts navigator |
| Wylie |
260a1 མཆོག། རིགས་ཀྱི་ཡུམ་དང་རྩེན་པར་འགྱུར།། སྲིད་པ་ལས་འཕགས་མྱ་ངན་འདས།། ཏིང་འཛིན་འདི་ཡིས་བྱེད་པར་འགྱུར།། ཞེས་བརྗོད་པས།། རྣམ་པར་སྨིན་པའི་ཚོགས་ཀྱི་དེ་བཞིན་གཤེགས་པའི
260a2 ཆེ་བའི་ཡོན་ཏན་ཉིད་དུ་མཁྱེན་ཏོ།། མཁྱེན་ནས་དེ་བཞིན་ཉིད་ཀྱི་དབྱིངས།། སྐུ་དང་གསུང་དང་ཐུགས་རྡོ་རྗེ་ལས། རྡོ་རྗེ་གསང་བའི་ཚིག་འདི་ཕྱུང་ངོ་།། ཨ་ཧོ་བསམ་བྱ་བསམས་པར་ཟིན་པ་ཡིས།། བསམ་པས་མི
260a3 ཟིན་བསམ་མི་ཁྱབ།། བསམ་ཡས་ལྷུན་གནས་མི་གཡོ་དཔག་མེད་བསམ་མི་ཁྱབ།། རྒྱུ་དང་འབྲེལ་བའི་རྐྱེན་དུ་ཤེས་པའི་དབྱིངས་ཉིད་ཟད་མི་ཤེས།། ངོ་མཚར་སྲིད་ལམ་མཐའ་བྲལ་མི་དམིགས་པ།། དེ་ཉིད
260a4 ཡོན་ཏན་མཆོག་གི་འཁོར་ལོ་ལམ་མཆོག་ཡིན།། ཨ་ཧོ།། རྡོ་རྗེ་གསང་བའི་ཚིག་ཏུའོ།། བཅོམ་ལྡན་འདས་དཔལ་ཀུན་ཏུ་བཟང་པོས་དེ་བཞིན་ཉིད་ཀྱི་དབྱིངས་ནས་ཆེ་བའི་ཡོན་ཏན་སྟོན་པ་ཞེས་བྱ་བའི་ལེའུ་སྟེ་བཞི
260a5 བཅུ་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས།། ཆེ་བའི་ཡོན་ཏན་སྟོན་པའི་སྒྱུ་འཕྲུལ་ཆེན་པོ། གསུང་གི་དཀྱིལ་འཁོར་བྱིན་གྱིས་རློབས་པ་ཞེས་བྱ་བ་ཆོ་ག་དང་བཅས་པ་འདི།། སྐུ་དང
260a6 གསུང་དང་ཐུགས་རྡོ་རྗེ་ལས་ཕྱུང་ངོ་།། དབབ་པ་མཆོག་གི་དཀྱིལ་འཁོར་རྣམས།། ཁ་དོག་གྲངས་བཅས་མ་བསླབས་པས།། ཤེས་པ་བློ་ཆེ་ཁོང་ཡངས་ལ།། ཟབ་པར་སྤྱོད་ལ་མི་སྐྱོ་བར།། ཟས་བསྲུངས་གོས་བརྗེས
iiif viewer powered by OpenSeadragon
