| e-texts navigator |
| Wylie |
258a1 ཀ། ཤེས་རབ་ཡུམ་དག་ལྡན་པར་བསྒོམ།། དེ་ལས་རྡོ་རྗེ་བྱིན་བརླབས་ཏེ།། པདྨ་གསང་གནས་འཛུལ་ཐབས་ཡིན།། སྦུབས་སུ་ཞུགས་ལ་དེ་ལུས་དགང་།། དེ་གོམས་བློ་བདེ་གསལ་སྤྲོ་ཐིམ།། རྡོ་རྗེའི
258a2 རིགས་རྣམས་ཧཱུཾ་དུ་བསྒོམ།། སྣོད་གནས་བདེ་ལྡན་ཁེངས་གྱུར་པར།། ཡུམ་གྱི་ཚོགས་ཀྱང་གསལ་བར་གནས།། ཕྱག་རྒྱ་སྙིང་པོ་གཟུགས་ལ་སོགས།། རིགས་དང་མཐུན་པར་ཤིན་ཏུ་བསམ།། བརྟན་པ་ཧཱུཾ་གི་འཕྲོ
258a3 འདུ་ལྟར།། རྣམ་ཤེས་བྱིན་བརླབ་དང་དུ་བརྟག། གཞི་རྩ་མེད་པའི་སེམས་ཉིད་ལས།། ཡིད་བཞིན་ཡི་གེའི་སྤྲིན་ཚོགས་བསྒོམ།། ཕྱག་རྒྱ་གསལ་བར་ཉེ་བསྙེན་པ།། འཕྲོ་འདུ་རིགས་དང་མཐུན་པའི་གྲངས།། བསྒོམ
258a4 དང་བཟླས་དང་མངོན་སུམ་ན།། ལྕགས་ཀྱུའི་སྟེངས་ཀྱིས་བསྐུལ་བར་གསུངས།། རྗེས་སུ་ཆགས་པའི་ཕྱག་རྒྱ་ཡིས།། རིགས་དང་མཐུན་པའི་འཕྲོ་འདུ་བསྒོམ།། ཡོན་ཏན་སྐུ་གསུང་ཡིད་བཞིན་གཏེར།། དཔལ་ལྡན
258a5 སྒྱུ་འཕྲུལ་མཆོག་ཆེན་མོ།། ཆགས་ཤིང་སྒེག་པའི་གཟུགས་བརྙན་ནི།། ལྗོན་པ་ལྕུག་ཕྲན་ལ་སོགས་ལ།། དབབ་པ་མཆོག་གི་ལས་བྱ་བ།། སྤྱི་གཙུག་ཁ་དང་སྙིང་ག་མཚན།། འབྲུ་ལྔས་བྱིན་བརླབ་ཨཱཾ་དུ་བརྟག། དེ
258a6 ཉིད་གོམས་ལས་གསང་མཚན་པ།། ཨཱཾ་གྱི་ཚོགས་ཀྱི་ལྷ་རྣམས་བསྒོམ།། སངས་རྒྱས་མེ་ཡི་སྦྱོར་བ་ལ།། རྒྱལ་བ་ཐམས་ཅད་བྱིན་གྱིས་རློབས།། དེ་ཉིད་མཐའ་བྲལ་མི་དམིགས་ལས།། ཡོན་ཏན་གཏེར་གྱི་གཟུགས
iiif viewer powered by OpenSeadragon
